KABANATA 1 - CANCER

“MISS De Vera, ayon sa results ng mga laboratory mo, mayroon kang gastric cancer. I am sorry to say this but it’s already at a critical stage.”

          Tulalang sumakay sa bus si Anna, naupo sa isa sa mga upuan sa likod hawak-hawak ang piraso ng papel na naglalaman ng resulta matapos niyang magpa-check up. Namumutawi ang lungkot at pangamba sa kanyang mga mata.

          Kahit mainit ang panahon na ‘yon sa syudad ng Maynila, pakiramdam niya ay yumayakap ang lamig sa kaibuturan niya dala nang matinding takot.

          Sa loob ng dalawang taon ay madalas siyang mamilipit sa sakit ng tiyan. Noong una ay binaliwa niya lamang ito ngunit nang hindi na niya makayanan ang sakit ay nagpa-check up na siya sa malapit na ospital para maresetahan ng gamot. Ayon sa doctor na tumingin sa kanya ay kinakailangan niyang mag-undergo ng gastroscopy. Ang buong akala ni Anna ay ordinaryong gastritis lamang ito, subalit isa na pala itong lumalalang cancer sa kanyang katawan!

          Hindi niya alam kung ano pa ang dapat niyang maramdaman. Noong nakaraang linggo lamang ay nagdiwang siya ng kanyang ika-25 na kaarawan. Marami pa siyang gusting gawin sa buhay subalit ngayon ay hindi na niya alam kung pa niya matutupad ang lahat ng mga iyon…

          Nahinto si Anna sa pag-iisip nang tumunog ang kanyang phone. Binuksan niya ang kanyang messenger at tiningnan ang larawang pinadala sa kanya ng kabit ng kanyang asawa.

          Larawan ng isang pregnancy test report…

          Celine Fuentes: So ano ngayon kung kasal kayo ni Marco nang tatlong taon? Nakikita mo ba ang picture na pinadala ko sa ‘yo? Magkaka-baby na kami ni Marco, at gusto niyang ituloy ko ang pagbubuntis!

          Celine Fuentes: Kung ako sa ‘yo ay pirmahan mo na ang annulment papers. Masyado kang paawa! Marco doesn’t even want you, dahil kung oo ay sana matagal ka na niyang pinakilala sa buong mundo. But he never did that because he’s ashame of you! Huwag ka nang lumingkis kay Marco na parang ahas dahil mas lalo ka lamang niyang kamumuhian!

          Nagtutubig ang mga mata ni Anna habang tinitingnang mabuti ang pregnancy test report ni Celine, pagkatapos ay tiningnan niyang muli ang hawak niyang diagnosis result.

          Masakit kung maglaro ang pagkakataon. Buntis ang babaeng unang minahal ni Marco, samantalang siya ay nagdudusa sa sakit na cancer!

          Bakit sa kanya pa nangyari ito?

          Tanging pagluha at pagngiti nang mapait na lamang ang kaniyang nagawa.

          Apat na taon na ang nakakalipas nang maaksidente si Marco, dahilan para magtamo siya nang physical injuries. Imbis na alagaan siya ay inabandona siya ni Celine Fuentes upang lumipad abroad para pagtuunan ng pansin ang kaniyang dancing career.

          Alam ng mga pamilya at mga kaibigan ni Anna na isang kahibangan ang ginawa niya noon. Ngunit kahit pa alam niyang hindi mabuting tao ang isang Marco Riego ay siya mismo ang nag-alaga at tumulong sa lalaki para maka-recover sa mga pinsalang kanyang natamo sa aksidente.

          Makalipas ang isang taon ay bumalik sa normal si Marco.

          Naaalala pa ni Anna ang naging pag-uusap nila nang panahong ‘yon.

          “What do you want in return?” malamig na tanong sa kanya ni Marco, habang mataman itong nakatitig sa kanya.

          Sa edad na bente ayos ay alam ni Anna sa sarili kung anon ga ba’ng gusto niya. Kinuyom niya ang mga kamay at matapang itong sinagot.

          “Ikaw. Ikaw ang gusto ko…”

          Laking gulat na lang ni Anna nang ma-rehistro ang kasal nila kinabukasan. Walang engrandeng wedding ang naganap. Pinili ni Marco na pakasalan siya isa isang private villa na mismong pagmamay-ari ng lalaki.

          Ni walang mga panauhin. Mabilis na nangyari ang kasal.

          Ngayon ay tatlong taon na silang kasal ni Marco. Ngunit kahit na kailan ay hindi nito pinahayag sa public na kasal sila. Tinago nito ang tunay nilang relasyon.

          Sa mata ng mga tao ay siya ang sekretarya ni Marco.

          Ginawa niya ang lahat upang mahalin siya ng asawa at maging karapat-dapat na maybahay para sa lalaki.

          Pero kahit ano’ng gawin niya ay para siyang damit na anumang oras ay kayang itapon ni Marco. The man she loves never loved her.

          Ni hindi nga nito alam ang petsa ng kaarawan niya. Hindi nito alam na allergic siya sa hipon at pollen. Wala rin itong interest sa kanyang pamilya…

          Sa loob ng tatlong taong pagiging kasal nila ay ni minsan hindi ito sumiping sa kanya. Animo’y mga estranghero silang nakatira sa ilalim ng iisang bubong.

          Sa isip ni Anna ay ayos lang ‘yon. Kaya niyang tiisin ang gano’ng trato ni Marco sa kanya basta ba’y asawa siya nito at kanya ang lalaki panghabambuhay.

          Ngunit kahit ang katiting na nais niyang ‘yon ay naglaho dalawang buwan na ang nakararaan.  

          Pumutok ang balitang pagbabalik ng sikat na Broadway dancer na si Celine Fuentes sa buong Pilipinas.Ang kanyang asawang si Marco Riego, president ng Riego Corporation, ang siyang mismong sumundo sa kay Celine sa airport. Hindi lamang iyon, niyaya nito ang dating nobya sa isang candlelight dinner.

          Simula noon ay marami nang lumabas na news articles patungkol kay Marco at Celine. Ayon sa balita ay nagkakaigihan na raw ang dalawa.

          Ang masakit para kay Anna ay walang nakakaalam sa buong Pilipinas na kasal ang isang Marco Riego. Walang nakakaalam na kasal ang lalaki sa kanya—sa isang Anna De Vera, ang asawang tinago niya sa publiko.

          Ang nakakatawa pa ay minsan siyang na-interview ng isang reporter bilang secretary ng president ng Riego Corporation. Tinatanong siya kung totoo bang may namamagitan kina Marco at Celine at kung totoo ba ang mga lumalabas na balita patungkol sa dalawa.

          Naaalala pa niya ang naging sagot niya noon habang nakatingin sa camera. “I’m sorry but it’s Mr. Riego’s private matter. As her secretary, I have no right to provide any information regarding his personal life. Let’s just respect his privacy and Ms. Celine’s as well.”

          Iyon lamang din ang sagot sa kanya ni Marco nang tanungin niya ito isang araw matapos ang pagbabalik ni Celine sa Pilipinas.

          “Wala kang karapatang kwestiyunin ang mga ginagawa ko, Anna. You’re just my wife on paper!”

          Ramdam niya ang sakit sa kanyang dibdib nang marinig ang sagot na iyon kay Marco. Para bang may kutsilyong sumaksak sa kanyang puso.

　　“Bakit, Marco? Bakit mo pa babalikan ang babaeng ‘yon? Iniwan ka niya noong mga panahon na kailangan mo siya!”

          “I don’t care!” galit na anas ni Marco sa kanya.

          Iyon ang unang beses na nag-away sila simula nang maikasal sila. Iyon din ang unang beses nadurog ang tapang niya at umiyak sa harap ng kanyang asawa.

          “Marco, please. Huwag mong gawin sa akin ito,” pagmamakaawa niya at akmang hahawakan ang kamay ni Marco ngunit mabilis na umiwas ang asawa.

          “Let’s get an annulment, Anna,” mariing wika ni Marco.

          Tinalikuran siya nito. Padabog na sinara ang pinto ng kaniyang kwarto at umalis habang si Anna ay tulala lamang at pilit na pinoproseso ang sinabi ng asawa.

          Nang gabing ‘yon ay naupo si Anna sa sofa at hinintay ang asawa buong gabi, ngunit hindi umuwi si Marco.

          Nang sumunod na araw, pinadala ni Marco sa kanya ang annulment papers. Pinunit niya iyon, ngunit hindi tumigil ang kanyang asawa at patuloy na nagpapadala ng annulment papers. Kating-kati ito na mapawalang bisa ang kasal nila.

          Pinikit ni Anna ang kanyang mga mata habang inaalala ang lahat ng mga masasakit na nangyari sa loob lamang ng dalawang buwan. Nagbabadya ang kaniyang mga luha ngunit pinilit niyang pawiin ang mga ito.

          Mayroon na lamang siyang kalahating taon para mabuhay… hindi niya hahayaan na masayang ang natitira niyang mga araw sa lungkot at sakit na dulot nang pagpapakasal niya kay Marco.

          Nagmahal siya nang husto… Alam niyang wala siyang ginawang mali kay Marco. Malinis ang kunsensya niya.

          “Humanda ka sa akin, Marco…” galit niyang sabi. “It’s time to wrap this up.”