CHAPTER 98: She's Afraid Again

HINDI PA RIN nawawala ang init ng ulo ni Duncan kinabukasan. Ganoon na lamang din ang pagmumura niya nang hawakan ang parte ng labi na nasuntok ng magaling niyang tyuhin. May ilang bahagi rin ng kanyang katawan na ramdam niya ang pananakit.

Nagtagis ang bagang ni Duncan nang maalala ang nangyari kagabi. Muli na namang nag-init ang ulo niya nang maalala kung paano siya pinaglaruan ng kanyang tyuhin. Alam na nito kung paano siya mag-isip at kahit ang mga patago niyang pag-atake ay nakikita nito.

Hindi na siya pwedeng pakampante ngayon lalo pa’t binantaan na siya nito.

“Sa akin lang ang Salvantez, sa akin lang si Liberty. Hindi pwedeng may kumuha ng pag-aari ko.”

Parehas niyang pinagtrabahuhang makuha ang dalawang iyon kaya sino siya para ibigay na lang nang basta-basta sa iba?

Hindi pwedeng mawala sa kanya ang asawa. Ito ang susi niya para makuha ang lahat ng naisin niya. Hangga’t nasa tabi niya sa Liberty, magiging madali sa kanya ang lahat. Kailangan niyang makaisip ng bagong plano ku