CHAPTER 97: Whenever I Want 

HINDI KAAGAD UMALIS si King ng pagtitipong iyon. Katulad ng dati, nanatili siya sa lugar kung saan hindi siya makikita ng kahit na sino lalong-lalo na ng mga taong gustong malaman ang mga nangyayari sa buhay niya.

Ipinagpatuloy niya ang paghipat ng sigarilyo habang ang tingin ay nasa pinakamataas na bahagi ng lugar na iyon.

Sa dami ng nangyayari ngayon sa buhay niya, kahit siya ay hindi na maintindihan kung ano ang totoo sa mga iyon. Pakiramdam niya’y unti-unting nagbabago ang dating tahimik niyang mundo.

Nagsimula iyong lahat kay Liberty. Sa simpleng pagkatok nito sa buhay niya ay nasa punto na siyang hindi makilala ang sarili. Parang sa isang iglap ay binigyan siya nito ng dahilan upang makaramdam pa ng emosyon na hindi niya kailanman nabigyan ng pagkakataon.

Alam niya sa sarili na maraming komplikasyon na mangyayari sa oras na gumawa siya ng hakbang upang makuha ito. Hindi lamang ito asawa ng kanyang pamangkin, ito rin ang nag-iisang babae na pinagkakatiwalaan nang husto ng kanyan