CHAPTER-79

HOPE

"Judy, tikman mo nga kung okay na?" nakakaramdam ako ng nerbyos sa hindi ko malaman na dahilan.

Binigyan ko siya ng pinggan na may pancit.

"Hmm..." Aniyang sumubo.

Kagat labi kong hinintay ang hatol niya na para bang nasa amazing chef contest ako.

"Ang sarap Ma'am, lalong mai-inlove si Sir Sin niyan," ang hagikgik niya.

Uminit ang mukha ko. "Akin na 'to Ma'am ha, " aniyang dinala na sa lamesa ang pinggan.

Madami dami rin kasi ang nilagay ko. Nakangiti akong tumango.

Pinagluto ko si Sin ng pancit. 'Yon daw ang paborito niya.

Nagluto pa ako ng kare-kare at nagpa-ihaw ng liempo na timplado ko.

Hindi naman 'yan masasayang kung sakali dahil alam kong may mga tauhan siyang kasama.

Para naman sa dessert ay gumawa ako ng leche flan na siyang paborito rin daw nito.

Nag-text siya sa akin kanina at nakalapag na raw ang eroplanong sinakyan niya.

I heard that he usually used a private plane.

Handa na ang lahat pagdating na lang niya ang hinihintay, "Judy, ang mga bata a, pakitingi