CHAPTER 3

CIELA's POV

Uupakan ko talaga gonggong na iyon oras na makita ko siya, anong karapatan niyang manakit ng babae. Anong akala niya sa sarili niya sobrang gwapo? huh? humanda talaga siya sa'kin. Isusumbong ko talaga siya sa Daddy niya para wala siyang allowance. Anong akala niya gan'on lang kadali ang ginawa niya sa kaibigan ko. Ako napapahiya sa ginagawa niya. Tinulungan ko na nga siyang magtino. Buong akala ko nagtino na nga hindi pa pala.

Hindi niya matatakasan ang kasalanan niya. Ano na lang ang sasabihin ng mga magulang ni Rhaen sa'ken. Wala na akong mukhang maihaharap sa kanila dahil sa kagagawan ng ugok kong pinsan. Jusko! ba't ba ako nagkaroon ng pinsan na puro sakit sa ulo lang ang ibibigay sa aming lahat.

Akala ng lahat ay nagbago na talaga siya simula ng maging girlfriend si Rhean, hindi ko alam ano na naman masamang spirito sumanib sa ugok na iyon para magloko. Ang tino ng girlfriend niya tapos ganito ang isusukli. Gagu ba siya?

ALLY's POV

Pauwi na ako sa condo galing probinsya, hinatid ko mga kapatid ko kina lola. Tuwing weekend kinukuha ko sila o kaya naman kapag wala akong pasok para makapasyal naman sila. Alam ko naman na nabo-bored din sila sa probinsya. May mga panahon din na sinasama ko sila lola para sabay kami mamasyal.

Saktong pagdating ko sa parking lot napansin ko agad ang kotse ng mga kaibigan ko. Napabuntong hininga nalang ako. Panigurado ginugulo na naman nila ang pad ko. Sa labas pa lang ay rinig ko na ang ingay nila. Halatang nag-iinuman na naman

"Hi pre, pasensya kana dito muna kami e kasi naman itong gonggong na'to tinatakasan jowa niya. Damay pa kami." bungad ni Johan sa'kin pagpasok ko.

Si Dheaven na naman ang ibig niyang sabihin, wala naman ibang mas babaero sa mga ito kundi si Dheaven lang. Akala ko ba ay nagtino na ito, hmm?

"At talagang dito pa kayo sa condo ko naisipan magtago. Linisin niyo iyang mga kalat niyo pagkatapos." pagbabanta ko.

"Shot ka muna pre, parang stress ka naman masyado." sabay abot ni Jeremiah sa baso

"Mamaya na lang pagod pa ako galing akong probinsya hinatid ko mga kapatid ko."

"Bakit hindi mo na lang dito pag-aralin ang mga kapatid mo para naman mabantayan mo rin sila." suhesyon ni Johan.

"Saka na pre kapag nasa High School na sila. Wala rin kasama sila Lolo doon e matanda na ang mga iyon. Masaya na rin silang nakikita lagi ang mga apo nila."

"Sabagay, tama ka naman din pre. Pahinga ka muna kami na bahala dito."

Tumango lang ako saka nagtungo sa kwarto ko. Agad ko binagsak ang katawan ko sa kama. Pagod na pagod talaga ang katawan ko. Pero hindi ako pwedeng magpadaig sa pagod dahil ako lang inaasahan ng pamilya ko. Lalo na ngayon nagpapagaling pa si Daddy.

Lagi na lang akong tinatanong ng mga kapatid ko kung nasaan si Daddy ang lagi ko na lang sinasagot ay nasa ibang bansa busy sa trabaho at negosyo. Desisyon din nila lolo na huwag muna sabihin sa mga bata ang kalagayan ni Daddy baka mabigla sila. Ayaw din niya na mag-alala ang mga ito.

Kung itatanong niyo nasaan ang magaling kong ina. Hindi ko alam, at wala na kaming pakealam pa kung nasaan man siya. Mas pinili niya ang sumama sa lalaki niya kaysa sa amin na pamilya niya. Wala siyang kwentang ina. Nagkasakit si Daddy dahil sa sama ng loob sa ginawa niya kaya hinding-hindi namin siya mapapatawad. Kahit ano pa ang gawin niya hindi na namin siya kailangan sa mga buhay namin.

Paggising ko nasa labas pa rin sila nag-iinuman. nakailang bote na rin sila at medyo lasing na ang iba.

"Hindi pa rin kayo tapos? anong oras na ba?"

"Gising kana pala pre, mag-aalas dos na ng madaling araw napasarap lang sa kwentohan." sagot ni Dheaven

Saka ako umupo sa bakanteng sofa sa gilid. Sabay lingon kay Dheaven.

"Anong naman ang plano mo? akala ko ba ay nagtino kana?"

Hindi agad siya nakasagot.

"May dahilan ako pre hindi ko muna pwedeng sabihin sa ngayon. Saka na kapag handa na akong ikwento sainyo."

"Ganiyan din ang sinabi niya sa amin pre, ilang beses na namin iyan pinilit ayaw talaga niya mag-kwento. Ewan ko ba bakit dinadamayan pa namin itong gonggong na'to e ayaw naman magkwento." ani Jeremiah

"Ayaw nga niyan umuwi sa kanila e. May bakante pa ba dito? gusto niya sana kumuha ng isang unit." tanong ni Jeremiah

Lasing na kasi si Johan nakatulog na sa sahig. Hinayaan na muna nila. Si Jeremiah at Dheaven medyo lasing na din pero kaya pa nila ang mga sarili nila. Mataas ang alcohol tolerance ng mga ito hindi gaya ni Johan.

"Wala ng bakante dito, Pero may alam ako. Doon sa nirerentahan ni Liam may bakante pa doon pwede niyo e check bukas. Tutal hindi naman siguro kilala ng jowa mo si Liam. Kung pinagtataguan mo talaga siya pwede ka muna doon sa place ni Liam wala din naman siya palagi doon kasi nagta-travel siya every weekdays. Weekend lang siya umuwi sa apartment niya." suhesyon ko.

Hindi sa kinukunsente ko ang ginawa ni Dheaven sa girlfriend niya pero hindi ko din naman alam ano talaga ang dahilan niya. Halata din sa pagkasabi niya kanina seryoso ang dahilan ng pag-iwas niya pansamantala dito. Alam naman kasi naming lahat na nagtino na siya. Hindi naman niya basta lang gagawin ito kung walang malalim na dahilan.

Nasa kaniya pa rin iyon kung makokonsensya siya sa ginawa niya. Hanggang doon lang ang kaya kong tulong na mabibigay sa kaniya. Hindi ako konsentidor na kaibigan. Kasi kapag alam kong mali ay hindi ko hahayaang mas lumala pa. Pero sabi naman niya ay may dahilan siya. Alam ko naman na nagsasabi siya ng totoo kapag gan'on na siya kaseryoso magsalita. Matagal ko na ding kaibigan si Dheaven, kapag ako ang nagtanong alam niyang hindi ko gusto ang pinagsisinungalingan ako.

SAFIYAA's POV

Ang sarap na sana ng tulog ko nang biglang tumunog ang cellphone ko.

Nakapikit pa akong ng sagutin ko ang tawag hindi ko na nagawang tingnan kung sino ang tumawag basta ko na lang sinagot .

"Hello!? sino ba 'to?" pagalit kong sabi sa tumawag.

"Kahit kailan talaga pinaglihi ka sa sama ng loob. Wala man lang bang good morning diyan." aniya sa kabilang linya.

Agad kung nilayo ang cellphone sa tenga ko para tingnan kung sino ang tumawag.

"Bweset ka ano bang kailangan mo? alam mo ikaw estorbo ka talaga e no? natutulog ako alam mo ba iyon?"

"Fiya tanghali na anong ginawa mo ba gabie ang tagal mo gumising. By the way tumawag lang ako para sabihin na uuwi na ako next month. And huwag mo muna sabihin kina Mommy na uuwi ako okay?"

"Shut up! Wala ka din naman pasalubong sa'kin."

"Kailan ba kita hindi dinalhan ng pasalubong aber?"

"Okay fine, bye!" saka ko binaba ang phone

Dahil antok na antok pa ako hindi ko na hinintay ang sasabihin niya basta ko na lang pinatayan. Bahala ka diyan kuya, manigas ka.

Uuwi daw siya ngayon pa siya uuwi e noong pinauwi siya ni Mommy ayaw niya. Muntik na nga namin isipin na nakipag-tanan na siya.

Anyway, sa Maynila pala nagta-trabaho Kuya ko, kaya hindi siya nakakauwi dahil sa katamaran niya. May kotse naman siya kaya naman niya ipag-drive ang sarili niya pauwi sadyang tamad lang talaga siya kase nga daw traffic. Ang dami lang talaga niyang dahilan e alam ko naman na ayaw niya lang umuwi dahil magkikita lang sila ni Ciela. Yes, si Ciela na ex girlfriend niya na kaibigan ko.