Chapter 51

CELINE

Ibinalik ko muli ang cell phone ko sa loob ng bag ko pagkatapos namin mag-usap ni Derek sa kabilang linya. Humugot ako nang malalim na buntong-hininga matapos 'yon at muling itinuon ko ang aking mga mata sa harapan ng sasakyan. Malapit na rin kami makarating sa mall na pupuntahan namin.

"Sino ba ang kausap mo?" mahinang tanong niya sa akin na sa unahan ang tingin. Dahan-dahan naman akong napalingon sa kanya at nagsalita, "Wala. 'Yung manliligaw ko lang 'yon, David. Tumatawag sa akin ngayon. Gusto kasi niyang lumabas kami ngunit sinabihan ko siya na hindi ako puwede ngayong araw na 'to dahil may lakad ako kay sa susunod na araw na lang."

Kumunot ang noo niya sa sinabi ko sa kanya na manliligaw ko 'yon. "Talaga ba? Nanliligaw 'yon sa 'yo na kausap mo few minutes ago?" tanong niya sa akin na mabilis ko naman na tinanguan.

"Oo, David. Manliligaw ko 'yon," sabi ko pa sa kanya.

"May manliligaw ka pala..." nakangusong sagot niya sa akin.

Tumango muli ako sa kanya at nagsalita, "Oo. Ma