Chapter 54

CELINE

Hindi ako mapakali matapos kong marinig ang mga katanungan na 'yon sa akin ni David tungkol sa anak ko na si Miguel. Kinabahan ako kanina sa totoo lang. Sinabi ko sa kanya na hindi naman niya kamukha ang anak ko. Malayo-layo kaya tumigil na siya sa katatanong ng kung ano sa akin lalo na 'pag tungkol 'yon sa baby boy ko.

Kinabukasan ay sinabi ko nga 'yon kay Tita Flora. Kaming dalawa lang ang magkausap sa loob ng kuwarto ko. Ni-lock ko ang pinto para hindi niya marinig kung makikinig man siya sa amin ni Tita Flora. Nakita kasi niya na pumasok si Tita Flora dito sa kuwarto ko. He's curious kaya hindi imposibleng gawin niya ang lahat para malaman ang katotohanan.

"Ano ba ang mga sinabi mo sa kanya nang tanungin ka niya ng mga tanong na 'yon, huh?" tanong ni Tita Flora sa akin. Nagpakawala muna ako nang malalim na buntong-hininga bago sumagot sa kanya.

"Hindi ko naman po sinabi sa kanya kung sino ang tunay na ama ng baby boy ko na si Miguel. Hinding-hindi ko sasabihin 'yon sa ka