Chapter 56

DAVID

Nakita at nakaharap ko na ang Derek na kinukuwento ni Celine sa akin na manliligaw niya. Pagkalabas nila sa loob ng bahay ay tamang-tama ay magkasalubong kaming tatlo. Hindi ko nagustuhan ang tingin ng lalaking 'yon sa akin. Hindi ko rin nagustuhan ang nakita ko na magkasama silang dalawa ni Celine.

Nagsukatan kaming dalawa ng tingin kanina hanggang sa inisin ko siya. Ang sarap kasi niyang inisin at kung makapagsabi siya sa akin ay para bang kilalang-kilala na niya ako. Bagay lang 'yon sa kanya na inisin ko siya kanina. Hindi sila bagay ni Celine.

No'ng kinukuwento ni Celine sa akin ang lalaking 'yon na nanliligaw sa kanya ay hindi na ako natutuwa sa totoo lang. May kung ano sa loob ng sistema ko ang hindi matanggap-tanggap na may nanliligaw sa kanya. Gusto ko na wala sa kanyang manliligaw. Wala dapat akong malalaman na nanliligaw sa kanya kahit alam ko na single siya. Hindi dapat mangyari 'yon.

Kanina nang makita ko silang dalawa na magkasama ay mas lalong hindi ko nagustuhan