32

“Congratulations to us! And thanks to all of you!”

Kasabay nang paglipad ng cork ng champagne na hawak ni Mika ay magkanapanabay na umalingawngaw sa ere ang sipol at palakpakan. Itinaas ni Mikaela ang champagne glass nito sa ere at gumaya ang lahat ng naroroon.

“Great job, everyone! This project will surely open doors for more clients in the industry.”

Si Mikaela ang namuno sa simpleng celebration. First big client nga naman nila ang kumpanya ni Chad. Maganda nga naman ang kinalabasan ng trabaho nila. They exceeded expectations. Ngayong araw ay opisyal na natapos dalawang araw bago ang deadline.

“’Di ako papayag na hindi ka iinom. You don’t have to be sober right now.” Iniabot nito sa kanya ang hawak na isa pang tulip glass.

“Huwag na talaga.”

Sumimangot ito. “O baka naman ayaw ni Chad ng babaeng lasengga. The last time na uminom ka nag-alburuto ang mama.”

“Mikaela!”

“Kunwari pa ito,” tudyo nito na ibinalik sa mesa ang