CHAPTER 23

ZANEVY FREALIZA

NAGTAMA ang mata naming dalawa. Punong-puno nang pagsusumamo ang mga matang nakatingin sa mata ko. Matagal kaming nagkatitigan bago siya nagbaba nang tingin sa bisig ko dahilan para mapatingin rin ako kay baby.

Bumalik ang mata ko sa kaniya at nakita ko ang pagsilay ng ngiti sa kaniyang labi. Parang may sumabog sa puso ko nang makita ko siyang ngumiti. Iyong hindi lang basta ngiti kundi ngiti na abot hangang tenga na nakakapagpabaliw ng puso ko.

Matagal akong nakatitig sa kaniya at hindi niya inaalis ang mata niya sa mukha ni Baby Fria. Nanlaki ang mata ko sa gulat nang makita ko ang isang butil ng luha na naglalandas sa kaniyang kanang pisngi. Malapad pa rin ang ngiti sa labi niya na dahan-dahang inaangat ang kamay niyang nanginginig pa. Dumapo ang daliri siya sa mukha ni Baby at marahan iyong hinahaplos.

Napalunok ako dahil pinipigilan ko ang maiyak dahil sobrang bilis ng tibok ng puso ko. Hindi ko akalain na darating ang araw na ito. Iyong kahit hindi niya sabihin r