CHAPTER 26

ZANEVY FREALIZA

NAGMAMADALING binuksan ko ang pinto at isang malakas na sampal ang bumungad sa akin na halos matanggal ang ulo ko sa aking leeg. Napahawak ako sa pisngi kung saan lumapat ang kaniyang palad bago ko ito tinapunan ng tingin. Halos malaglag ang panga ko ng makita ko ang babaeng nakatayo sa aking harapan. Ang huli sa aking listahan na makikita ko sa araw na ito.

“G-Grace?”

Itinulak niya ako at walang sabi-sabing pumasok sa loob ng mansion. Inilibot niya ang kaniyang mata sa paligid bago siya muling humarap sa akin.

“Na saan si Thyme?” Ibinaba niya ang bag sa sofa. “Hangang kailan mo ba siya balak na itago sa akin, malandi ka! Na saan ang finance ko?!”

Natigilan ako at napaawang ang labi ko. Hindi ako makagalaw sa kinatatayuan ko habang nakatingin kay Grace na pulang-pula ang mukha sa galit.

Isang linggo na ang nakalipas mula ng saktan siya ni Papa. Iyon ang huling araw na nakita ko siya at hindi na nagparamdam pa. Hindi ito dumadalaw o kaya tumatawag sa akin, basta bigla n