CHAPTER 29

ZANEVY FREALIZA

“Aren't you going to escape again?”

Ngumiti ako at inabot ko sa kaniya ang plato na may lamang hiniwa na apple. “May mapapala ba akong mabuti kapag ginawa ko ulit?”

Walang araw na hindi niya ako tinatanong ng ganiyan sa tuwing nandidito siya. Tinanggap niya ang inabot ko at kumain ng apple. Ngumiti ako sa ginawa niya. Kinuha ko si Baby Fria bago umupo sa tabi niya sa sofa. Nakatutok ang mata niya sa TV habang kumakain. Bahagya akong umusog palapit sa kaniya. Huminga ako sa sofa at ginawa kong unan ang hita niya. Pinaupo ko si Baby Fria sa aking tiyan at nilalaro ko ito.

Nabigla naman si Thyme sa ginawa ko at natigilan siya sa pagkain. Nang una akala ko itutulak niya ako palayo pero inilapag niya lang ang plato sa armrest ng sofa.

“Why are you so kind these past few weeks?”

“Ayaw kong mawala sa paningin ko ang anak ko. Bakit? Hindi mo ba gusto ang mga ginagawa ko?” Nag-angat ako ng tingin sa kaniya. Nagkatitigan kami pero agad ring naputol ng mapunta kay Baby Fria ang