CHAPTER 25

Belyn

"Anak ko ang pinagbabawalan mong umuwi? Baka nakakalimutan mo Aaron, na ako ang Ama ni Belyn?!" galit ang boses ni Daddy pinagsabihan si Aaron.

"Daddy, 'wag po kayo masyadong magalit baka mapaano po kayo," suway ko sa kaniya. Kasi namumula na sa galit ang pisngi nito.

“Huminahon ka muna kumpadre. Maari naman natin itong pag-usapan. Gusto lang ng anak ko makasama ang mag-ina niya. Wala naman sigurong masama dahil matagal din silang hindi nagkasama ni Belyn at ang apo ko,” sumingit sa pag-uusap nila Aaron at Daddy si Mr. Chong, subalit nasa mukha ng ama ko na hindi ito pakikinggan kahit ano ang pakiusap ng ama ni Aaron.

Nakabantay ako kay Daddy kasi mabigat ang paghinga nito natatakot ako baka kung anong mangyari dito.

Akma akong aalis sa tabi ni Aaron upang daluhan si Daddy nang marinig ko ang pagsinghap nito, animo ayaw akong paalisin sa aking kinauupuan. Hinawakan niya ako sa braso ko subalit binigyan ko siya ng may babala titig binawi niya iyon.

“Hindi kayo uuwi ni Benes