Chapter 34

“ALAM mo Cataleya, ayaw mo lang aminin sa sarili mo na may attraction ka sa boss mong si Lukas,” ani Ria na pinakatitigan ang mukha niya. “In denial ka lang dahil natatakot kang tanggapin iyon.”

“Wow huh.” Pinanladitan niya ito ng mata. “Normal lang naman siguro na humanga ako sa isang ‘yun physically. Gwapo naman kasi siya at ang hot niya, kaya nga nagkaroon ng buhay ang character kong si Von.”

“Asus, ginawa mo pang alibi ang kwento mo.” Humagalpak ito ng tawa.

Pilit niyang ikikintal sa utak niya na isang simpleng paghanga lang ang nadarama niya kay Lukas. Pero bigla siyang napailing dahil tila iba ang nais sabihin ng puso niya.

“Charater pa rin ang mahalaga sa akin para gustuhin ko ang isang lalaki, frenny,” giit niya. “Hindi kagaya ni Lukas ang gusto kong mahalin, puro sarili lang ang iniisip niya at baka maging controlling pa s’ya sa akin.”

Pinalo siya nito bigla sa balikat niya. “Ewan ko sa’yo Cataleya, attraction pa lang ang pinag-uusapan natin pero ang layo na ng narating ng i