Chapter 32

NGUNIT bago pa makuha ni Cataleya ang cellphone niya ay naunahan na siya ni Lukas. Pakiramdam niya ay binuhusan ng malamig na tubig ang buong katawan niya, nanginig ang bawat kalamanan niya. Mukhang hindi na niya mapipigilan pa ang mabuking nito ang malaking sekreto na itinatago niya. Naipikit niya ang mga mata at inihanda na lang ang sarili sa sunod na mangyayari.

“Take this,” narinig niyang sabi ni Lukas.

Napamulat siya ng mga mata niya, napansin niya na iniaabot nito ang cellphone niya sa kanya. Kaagad niyang dinampot iyon at saka lang siya nakahinga nang maluwag. Mabuti na lang at nag-off display screen. “Hay, salamat naman.”

Nangunot ang noo nito sa pagkakatingin sa kanya. Napaupo na rin ito sa ibabaw ng kama niya. “Something wrong? Nasira ko ba ang cellphone mo?”

Umiling siya sabay hamig muli sa sarili. “W-wala, akala ko k-kasi ay bumagsak na sa sahig itong cellphone ko. Ang dami kasi mga important file dito.”

“I’m sorry kung nagulat kita sa pagpasok ko dito sa room mo,” mababan