(S2) 43. PAIN 1

YUMI

“Pinuntahan ko kayo ni Malaya…” ani Helio na nagbalik sa kaniya ng atensyon ko. “Doon sa ampunan kung saan kayo dinala ng mga tauhan ni Ignacio. Iniwan ko si Marikit doon sa motel na tinuluyan namin pagkatapos kong maitakas siya. Iniwan ko siya sa janitress ng motel na pinakiusapan kong bantayan muna siya. Nang bumalik na ako sa motel ay kasama ko na kayo ni Malaya pero…” She inhaled angrily. “Pero wala na si Marikit doon. At kahit ang janitress na nagbantay kay Marikit ay wala na rin…” she paused and squared her shoulders next. “Kinabukasan ay nasa balita na natagpuang patay ang janitress na ‘yon. Pati siya… pati siya ay nadamay…”

Hindi ako makasalita. Wala akong maibatong pangontrang salita sa kaniya ngayon. Nanatili na lang akong nakatingin sa kaniya at nakikinig sa sinasabi niya.

Hindi ko siya mabara dahil nakikita ko sa kaniya ang halo-halong emosyon na alam kong pinipigilan niya lang sa puso niya. At hindi ko na masabing wala siyang kwentang ina at napakasama niya. All t