Chapter 8—That’s Enough

NAKAUPO SIYA sa labas ng drúg store habang hinihintay si Kyla. Nakayuko lang siya sa magkasalikop niyang mga kamay.

Hindi sila pumunta sa obgyne tulad ng nirekomenda ng psychiatrist, bagkus ay dumiretso sila rito. Si Kyla na rin ang nagpresenta na bumili ng PTkit.

Hindi niya na naitanggi pa rito na may nangyayari sa kanila ni RC kahit hindi niya nobyo ang lalaki.

"Saan mo gusto, sa amin o sa inyo?"

Nag-angat siya ng tingin kay Kyla. Hawak na nito ang maliit na plastic ng binili.

Napabuntong hininga na lamang siya. "Pwede ka bang mag-overnight sa bahay?"

Ngiti lang ang sinagot nito sa kanya, saka siya hinila.