Chapter 12—Jajangmyeon

“BABY, ANO GUSTO mong kainin ngayon? Mag-crave ka na, iyong mahirap kunin at hanapin para worth it naman ang pag-pamper sa iyo ng tatay mo.”

Natatawa na lang si Ritchelle sa sarili niya habang kinakausap ang bata sa sinapupunan niya. Nasa harap siya ng salamin habang pinagmamasdan ang umbok ng tiyan niya. Katatapos niya lang maligo. Wala rin siyang kasama sa kwarto kaya malaya niyang kinakausap nang ganito ang bata.

She had been asking the baby since yesterday to crave for something. Gusto niyang pahirapan si RC sa tulong ng anak nito.

Nagpa-check up sila kahapon ni RC at ang sabi ng doctor ay twelve weeks na ang bata. Narinig niya rin ang pagtibok ng puso nito. Malusog din ito taliwas sa naiisip niya na nahihirapan ito sa loob ng katawan niya. After all, she didn’t care at all.<