Kabanata 25

Kabanata 25

Housewife

"B-BAKLA po ako..." pag-amin ni Alfred sa katotohanan na kanina ko pa napansin. Nandito na kami ngayon sa living room. Dito ko siya mas piniling kausapin para mas maging malinaw ang lahat.

Umiwas siya ng tingin sa akin at napalunok. Habang ako naman, nakatulala lang sa inosente niyang mukha na kinakain na ngayon ng kapulahan. Mas lalo ko siyang tinitigan.

Kung sasamuhin, hindi mo mahahalata sa kanyang gano'n siya. Guwapong bata kasi at tipid ang mga kilos kaya sa, unang tingin, aakalain mo na mahiyain lang. Iyon naman pala—

Bumuntong hininga ako para matanggal ang kung ano mang iniisip ko. Lumapit ako lalo sa kanya. Napa-agik siya sa gulat sa ginawa ko pero kahit gano'n, nalapitan at nakapitan ko pa rin ang isang balikat niya.

Nginitian ko siya ng malaki para ipakita sa kanyang wala akong disgustong nararamdaman sa pag-amin niya. Sa makatuwid, proud pa nga ako at grateful dahil mas pinili niya ang umamin sa akin. Sanay na rin naman ako makasalamuha ng mga gaya