Kabanata 23

Kabanata 23

Resign

"H-HUH? Magr-resign ka na beh? Seryoso?!" bulyaw sa mukha ko ni Shaina nang ma-kuwento ko rito ang planong matagal kong pinag-isipin simula ng gabing iyon na niloko siya ni Gerald. Ilang linggo na rin ang nakakaraan.

Bumuntong hininga ako at tumungo. "Oo, e."

"Hala bakit?! Saka... alam na ba ni Mommy Gai ang tungkol rito?"

Hindi ko agad nasagot ang tanong na iyon sa akin ni Shaina. Bigla ko naalala ang reaksyon ni Mommy Gai ng sabihin ko sa kanya ang plano kong ito.

Hindi siya galit. Hindi siya malungkot. At mas lalong hindi siya masaya. Dismiyado siya. Ewan ko kung bakit pero ng sabihin ko sa kanya na magr-resign na ako kinagabihan ng masinsinan ko siyang kausapin. Hindi siya sumagot. Nginitian niya lang ako ng tipid at nilayasan na.

Napabuntong hininga ako at napa-upo sa bakal na bench dito sa locker room. Tumayo si Shaina sa harapan ko ng naka-pameywang at naghihintay ng sagot sa akin. Uwian na namin at kami na namang dalawang ang naiwan dito katulad ng dati.