CHAPTER 6

CHAPTER 6

ZHEN GUI REN

"Ako po si Jingyi, mula po ako sa departamento ng patahian." Pagpapakilala ng isa sa mga bagong maid.

"Ako naman po si Juan, mula po ako sa kusina."

"Ako po si Kun. Mula po ako sa departamentong nangangalaga sa Imperial Garden."

Kasunod ay nagpakilala naman ang mga eunuch.

"Zhen Gui Ren, ako naman po si Xiao-Bo. Mula po ako sa departamento na nangangalaga sa Imperial Armory." Pagpapakilala ng isa sa kanila.

"Ako po si Xiao-Chang. Mula rin po sa Imperial Armory."

"Ako po si Xiao-Deshi. Mula naman po ako sa Imperial Stable." Pagpapakilala ng huli.

So... Walang kahit na isa sa kanila ang mula sa ibang palasyo? Magaling talagang mamili ang emperor para sa akin.

"Gaya ng sinabi ko, huwag na huwag niyo kong susubukan. Kung mayroon man kayong naging amo noon ay noon na 'yon, ako na ngayon kaya naman ako na ang susundin niyo. Paglingkuran niyo ko ng maayos at gagantimpalaan ko kayo. Hindi na kayo sisikatan pa ng araw kapag kabaliktaran ang ginawa niyo." Tugon ko sa mga ito na ngayon ay pawang mga nakaluhod.

Tumingin ako kay Xue at ibinagsak nito bag na puno ng mga pilak. Halatang nagulat ang mga ito sa ibinigay ko.

Kahit gaano pa kadami ang ubusin ko, mapanatili ko lamang na tapat ang mga tagapaglingkod ko ay gagawin ko. Isa sa pinakamasakit na mangyari sa akin ay masaksak sa likod.

"SALAMAT PO, ZHEN GUI REN! PAGLILINGKURAN PO NAMIN KAYO NG BUONG PUSO!" Tugon nila.

"Xing-Su Gonggong, Ying Nuzi, kayo na ang bahalang magbigay sa kanila ng gawain." Utos ko sa dalawang head.

"Opo." Sagot nila at sinamahang lumabas ang mga bago.

Alam kong walang magiging problema kung saan sila ilalagay. Napag-usapan namin na sila pa ring mga luma ang gagawa ng mga personal kong gawain at malayo naman sa akin ang mga bago.

"Zhen Gui Ren." Bati sa akin ni Xiao-Cong at tumungo.

"Tumayo ka." Utos ko na agad nitong sinunod.

"Lady Zhen, inaanyayaan po ang lahat ng concubine na pumunta sa palasyo ng empress bukas para po sa isang garden viewing at tea party." Balita nito sa akin.

"Bakit may ganyang event?" Tanong ko.

"Si Xiaodan Niu Pin Niangniang po ay tatlong buwan na pong nagdadalang-tao. Nabuntis po siya bago pa man po kayo makapasok sa palasyo kaya po siguro ay hindi niyo po nalalaman. Ito po ang dahilan kung bakit nag-aanyaya po ang empress." Sagot nito.

"Pupunta ako. Mamasamain nila kapag hindi." Sagot ko naman.

"Mauna na po ako." Paalam nito at umalis.

"Lady Zhen, ano pong susuotin niyo bukas?" Tanong sa akin ni Xue.

"Tulad ng dati. Simple." Diretsong sagot ko.

"Pero-"

"Alam mo ang sitwasyon ko, Xue. Hindi ito ang tamang oras to show off." Tugon ko.

"Opo..."

---

Kasalukuyan kaming naglalakad papunta sa hardin ng palasyo ng empress. Dahil nga mauuna muna ang garden viewing bago ang tea party.

Napahinto ako matapos makasalubong ang dalawang concubine na may kasamang tigdalawang katulong. Anong sasabihin ko sa kanila? Di ko sila kilala and di ko alam position nila.

"Binabati ka namin, Zhen Gui Ren." Bati nila at sandaling tumungo.

Alam nila ang pangalan ko? Ah. Siguro kasi nga pinaabante ako noon ni Ai Huang Gui Fei Niangniang kaya nila ako nakikilala.

"Binabati ko rin kayo..." Tugon ko.

"Ako nga pala si Fan Gui Ren." Pagpapakilala ng isang concubine na mas matangkad sa akin pero mas maputi ako. Napapalamutian rin ito ng mga bulaklak.

"Ako naman si Li Gui Ren. Pasensya ka na at kailangan kong magpalipat ng palasyo, kasama sana kita ngayon sa Palace of Great Brilliance." Sabi naman ng isang tila mas bata sa akin ng ilang taon at halos pink ang kasuotan.

Siya pala yung dapat kong kasama kaso nagpalipat dahil sa kaibigan.

"Hayaan niyo akong pormal na magpakilala. Ako si Zhen Gui Ren." Sabi ko at sandaling tumungo.

"Kinagagalak namin ang makilala ka, Zhen Gui Ren." Masayang tugon ni Li Gui Ren at hinawakan ang dalawa kong kamay.

"Masaya rin akong makilala kayo, Li Gui Ren, Fan Gui Ren."

"Meron pala tayong pagpapakilala rito." Nakangiting tugon naman ng isa pang bagong dating na concubine na may kasamang apat na tagapaglingkod.

Agad tumungo ang dalawa kaya ginaya ko na lang sila.

"Pagbati, Wen Wenqian Pin Niangniang." Bati ng dalawa.

"Pagbati po, Wen Pin Niangniang." Gaya ko sa pagbati nila.

"Tumayo kayo." Utos nito.

Tumayo kami agad nang marinig ang utos nito.

"Zhen Gui Ren?" Pagkumpirma nito.

"Opo, Wen Pin Niangniang." Magalang kong tugon.

"Kinagagalak kong makilala ang taong nakakapagpabaliw ngayon sa emperor, empress, at maging kay Ai Huang Gui Fei Niangniang." Nakangiting tugon nito.

"Kinagagalak ko rin ang makilala ka." Sagot ko.

"Maiwan na namin kayo ni Fan Gui Ren." Sabi nito at tumingin sa kaniya.

Tumungo naman si Fan Gui Ren bilang paalam sa amin at umalis na kasama si Wen Pin Niangniang.

"Aw, umalis na si Fan Jiejie. Sa bagay, wala man akong magagawa dahil sila naman talaga ang magkaibigan." Malungkot na tugon ni Li Gui Ren.

Ibig sabihin ay gusto niya lang ng kaibigan dito? Pero ito ang Imperial Harem. Kailangan niyang maging maingat. Kahit na bata lamang siya ay maaaring mapahamak siya.

"Li Gui Ren, ilang taon ka na?" Tanong ko rito.

"14, Zhen Gui Ren."

14? Ang bata niya pa nga!

"Ilang taon ka sa unang pagpasok mo rito?"

"11, Zhen Gui Ren. Alam kong nakakagulat."

"Ibig sabihin ay mas bata ka pala sa akin. Ang totoong pangalan ko ay Shen Sheng Ling, tawagin mo kong Sheng Jiejie."

"Talaga bang pwede kitang tawaging Sheng Jiejie?" Masaya nitong tugon.

"Oo. Tatawagin naman kitang Li Meimei." Nakangiting tugon ko sa kaniya.

"Salamat, Sheng Jiejie."

Bata pa lang siya napunta dito kaya naiintindihan ko siya. Ang mahiwalay ka sa mga magulang at mga kapatid ay napakalungkot. Paano pa sa edad na gaya niya? Kaya hindi ako nagtataka kung bakit sa simpleng pagkakaibigan lang ay sobrang saya na niya.

Naglakad kami papunta sa hardin habang nag-uusap. Nalaman kong hindi pa pala siya nakakapaglingkod sa emperor dahil sa bata pa siya para rito. Gaya ng ibang bata ay mahilig rin to sa mga matatamis, manika at kulay pink.

"Binabati ka namin Ai Huang Gui Fei Niangniang. Binabati namin ang kamahalan." Bati naming dalawa ni Li Meimei.

"Tumayo kayo. Dapat ay masaya tayo, walang lugar ang pormalidad ngayon." Nakangiting tugon ng empress samin.

"Salamat po, Huang Hou." Sagot namin at tumayo.

"Napakaganda talaga nitong mga mudan, Niangniang." Rinig naming tugon ni Qiu Fei Niangniang.

[Peony (mudan 牧丹) Known as the 'king of the flowers', the peony is a symbol of royalty and virtue. It is also called the 'flower of wealth and honour' (fuguihua 富貴花) and is widely used to represent wealth and honour. Mudan also symbolizes the empress.]

"Maganda nga at maganda ang kahulugan ngunit hindi lahat ay gusto ang ganitong bulaklak." Sabi nito at pumitas ng isa. "Tulad ko."

Binitawan niya ang pinitas niyang mudan at tinapakan ito ng madiin habang nakatingin at nakangiti sa empress.

"Tara na. Tumingin pa tayo ng ibang MAS maganda sa mudan." Sabi ni Ai Huang Gui Fei at umalis kasama si Qiu Fei.

Halatang hindi natuwa ang empress sa ginawa nito pero pinilit na lang nitong ngumiti.

"Niangniang, hahanapin at babatiin lang namin si Xiaodan Pin Niangniang." Paalam ko rito at tumungo.

"Sige. Mauna na kayo." Nakangiting tugon nito.

"Opo." Sagot ko at umalis na kasama si Li Meimei.

"Sheng Jiejie, babatiin mo ba talaga si Xiaodan Pin Niangniang?" Tanong nito.

"Oo."

"Eh? Hindi ko gusto ang ugali niya." Sagot nito.

"Li Meimei. Kahit di mo siya gusto ay dapat mo siyang batiin, lalo na at dala niya ang anak ng emperor." Paliwanag ko.

"Naiintindihan ko, Sheng Jiejie."

Natagpuan namin si Xiaodan Pin na nakaupo habang pinagmamasdan ang mga bulaklak sa hardin.

"Binabati ka namin Xiaodan Pin Niangniang." Bati namin sa kaniya at tumungo.

"Tumayo kayo." Utos nito sa tonong pinakaaayawan ko.

Ang tonong akala mo ay napakataas niya at napakababa naman namin. Pero anong magagawa ko? Isa siyang Pin at dala niya ang anak ng emperor.

"Salamat po." Sagot namin at tumayo.

"Binabati kita, Xiaodan Pin Niangniang. Sana ay maging malusog ang magiging anak niyo." Bati ko rito.

"Salamat. Sana nga ay maging malusog ang maging anak namin." Tugon nito habang nandun pa rin ang nakakairitang tono ng pananalita niya.

"Balita ko ay pinapapaboran ka ngayon ng emperor. Sayang lang at hindi ka pa nagkakaanak." Tugon nito at ngumisi.

Iniinsulto niya ba ko? Oo. Iniinsulto niya nga ko. Dahil ako ang pinapaboran ng emperor pero hindi pa ko buntis. Anong magagawa ko? Hindi naman ako gaya niyo na ibibigay ang sarili makataas lang.

Pinilit kong ngumiti at sumagot sa kaniya. "Niangniang, hindi pa siguro kaloob. Mali ka rin sa isang bagay, hindi ako ang pinakapinapaboran kundi si Ai Huang Gui Fei Niangniang. Kapag narinig niya ito mula sa iyo ay tiyak na magagalit siya."

"Mauna na po kami, Niangniang." Paalam naman ni Li Meimei dahilan para makaalis na kami.

Mabuti na lang at nakatakas kami sa sitwasyon na 'yon. Kaya naman sinulit na lang namin ang nalalabing oras bago ang tea party at tumingin ng mga bulaklak. Sa sobrang daldal ni Li Meimei ay nalaman kong gusto pala ni Wen Pin ang garden viewing at marami pang iba.

"Mapa sa inyo nawa ang kapayapaan Li Gui Ren, Zhen Gui Ren." Bati sa amin ni Wan, ang dowry maid ni Ilha Meimei.

"May kailangan ka ba, Wan?" Nakangiting tanong ko rito.

"Opo. Zhen Gui Ren, gusto daw po kayong makausap ni Lady Ilha. Magkita daw po sana kayo sa puno sa dulong bahagi ng hardin." Sagot nito.

"Sheng Jiejie, mauuna na ko kung ganun." Paalam sa akin ni Li Meimei.

"Sige. Mag-ingat ka."

Mag-isa akong pumunta sa puno dahil may kailangan pa raw gawin si Wan at hindi na niya ko mahahatid. Wala namang problema sakin basta para sa kapatid ko.

Narating ko ang puno at ilang sandali akong naghintay. Naiinip na ko pero gumaan ang pakiramdam ko nang may dunating. Nainis lang ako ulit matapos makitang hindi pala ito ang kapatid ko.

Nasaan ba kasi siya?!

Sa sobrang kaiisip ko ay hindi ko na namalayan na nabangga ko na pala ang tagapaglingkod na dumating dahilan ng pagkatapon sa akin ng maruming tubig na dala niya. Sa sobrang pagkabigla namin pareho ay hindi agad ako nakapag-isip at siya naman ay agad na napaluhod sa takot.

"HINDI KO PO SINASADYA! PATAWARIN NIYO PO AKO! PATAWARIN NIYO PO AKO!" Pagmamakaawa nito.

"T-tumayo ka. Aksidente ang nangyari." Gulat kong tugon.

"Salamat po, Zhen Gui Ren. Tatanawin ko po itong utang na loob." Lumuluha nitong tugon.

"Mauna na po ako." Paalam nito at tuluyang umalis.

Jusko! Nakakabigla. Tae.

"Zhen Gui Ren! Ano pong nangyari?" Tanong ni Xue na kakarating lang.

"Natapunan niya ko ng maruming tubig pero aksidente lang ang nangyari kaya pinalagpas ko na lang." Sagot ko.

"Patawad po, Lady Zhen. Hindi kita nabantayan." Tugon nito at lumuhod.

"Xue, tumayo ka." Utos ko at inalalayan siyang tumayo. "Wala kang kasalanan. Ako naman ang nag-utos sa'yo na tumulong muna sa kanila sa palasyo bago sumunod rito."

"Pero Lady Zhen... Hindi ko po dapat kayo iwan. Sa loob ng 24 oras. Sa loob ng 7 araw sa isang linggo."

"Hayaan mo na. Nangyari ang nangyari." Sagot ko.

"Lady Zhen, hinahanap na po kayo sa tea party pagkarating ko kaya po hinanap ko na kayo." Sabi nito.

Hala? Hinahanap na pala ako. Pero di ko pa nakakausap ang kapatid ko.

Umalis na kami roon at pumunta sa bulwagan ng palasyo kung saan gaganapin ang tea party na sinasabi nila. Nagmamadali akong pumasok dahil ako na nga lang talaga ang hinihintay nila.

"Patawad po. Naaliw po ako sa pagtingin sa mga bulaklak." Palusot ko.

"Walang problema. Maupo ka na." Sagot ng empress.

Umupo na ko at unang hinanap ko si Ilha Meimei. Umiinom siya ngayon ng tsaa habang nakikipagkwentuhan sa ibang concubine. Bakit parang walang nangyari? Pinapunta niya ko roon dahil may sasabihin siya diba? Bakit parang wala naman talaga? Pinapunta nya ba talaga ako?

*CRACK!*

Lahat kami ay tila napatigil sa kung anumang ginagawa namin at napatingin kay Xiaodan Pin na ngayon ay sumisigaw at namimilipit sa sakit habang hawak ang kaniyang tiyan.

"TULONG! ANG SAKIT! ANG ANAK KO! ANG ANAK KO!"

Halos mamatay ako sa kaba dahil sa nangyayari. Hindi ko alam ang gagawin ko.

"ANO PANG HINIHINTAY NIYO?! MAGPAKUHA NA KAYO NG DOKTOR!" Sigaw ng empress sa mga tagapaglingkod na agad lumabas upang maghanap ng mga doktor.

"ANG ANAK KO, NIANGNIANG! TULUNGAN MO ANG ANAK KO!" Naluluha nitong tugon.

Hindi kami makagalaw at makapag-isip sa nangyayari. Lalo pa at may lumalabas ring dugo mula kay Xiaodan Pin.

"Mga kamahalan! Magsilabas po muna kayo." Sabi ng doktor na kararating pa lamang.

Tatlo silang doktor na dumating at maraming gamit ang dala ng mga tagapaglingkod.

"Doktor! Iligtas niyo po ang anak nila. Malulungkot ang emperor kapag may nangyaring masama." Pakiusap ko rito.

"Gagawin po namin ang lahat." Tugon nito.

Sumunod na ko sa labas matapos akong sagutin ng doktor. Palihim na kong nagdadasal para sa ikabubuti nila habang ang iba naman ay nag-aalala rin sa nangyayari. O nag-aalala nga ba talaga sila? Hindi lingid sa kaalaman ko na ang ilan sa kanila ay gusto itong mangyari.

Paano nga ba ito nangyari? Sandali lamang akong nawala at nangyari na ito. Pagtapos niyang mainom ang tsaa at-saka niya ito nabitawan-

Tsaa?

Maaari kayang may naglagay ng pampalaglag sa tsaang iniinom niya?