8‐Elevator

Pagkatapos ng eksena naming dalawa kahapon, nadatnan ko ang sarili na tumatakbo pasakay ng MRT. Magulo at nagsisikan ang mga tao. Ayokong pawisan ngayong umaga kaso heto sinampal ako ng kamatis sa pisngi. Nalaman ko noong tinignan ko ang bintanang salamin. Taginting ang simplisidad sa anyo ko ngayon. Nakasuot ako ng colour di gatas na minimalist dress. Naka-braid ang mahaba kong itim na buhok. Simple ang aking make-up na pinatinggad ko ng namumulang mga labi. Sasalakayin ko ang kaharian ng mga Henderson ngayong araw.

Tutungo ako para um-apply bilang marketing strategist ng kompanya nila. Unang hakbang ko ito patungo sa tatay ko. Malilintikan siya sa akin kapag maabot ko ang pinakamalapit na posisyon. Aagawin ko ang kompanya–ako na ang susunod na papamay-ari. Opps, sumobra yata ako. Nunca kong pinangarap maging isang CEO.

Heto, napaamang ako sa matayog na gusali ng Henderson Tower. Ang sikat na gusali sa buong Kamaynilaan. Ilang floors naman kaya ito. Nakakatakot akyatin. Humugot ako