54—After you left

Mikhael~

Sinapo ko ang nanakit na sentido nang bumalikwas ako pabangon. Dahan-dahan kong minulat ang mga mata. Doon ko natuklasan na wala akong saplot at tanging ang manipis na kumot ang kumukubli sa katawan ko. Nagtataka akong inikot ang tingin habang pinipilit alalahanin ang nangyari kagabi. Ang huling piraso ng aking memorya ay kung paano ako nakipagsuntukan sa hambog na dambuhala hanggang sa dumating sa punto na naging duguan ang kamao ko.

Pinukpuk ko ng aking kamao ang gilid ng ulo. May isa pa akong alaala subalit di ko maaninagan. Umuwang ang bibig ko nang mahagip ang bakanteng pwesto ng kama. Tila may taong humiga rito kanina dahil wala sa tamang posisyon ang unan. Kung hindi ako nagkakamali may nakasama akong babae rito kasi naalala ko may tinawagan ako kagabi.

Bumaba ako sa kama at nakita ko kaagad ang kalat kong damit. Hinagilap ko ang cellphone, mabuti nasa bulsa ng pantalon ko. Pa-low batt na kaya matulin kong hinanap ang pangalan ng nasa history ng contact.

"Althea?!"Hin