46—Family Bonding

Mikhael~

Matapos ng eksenang ginawa ni Milena hindi na ako nagpakita sa kanya. Nabalitaan kong pinadala siya sa America ng mga magulang niya. Dalawang linggo akong natahimik. Subalit hindi ko nagustuhan ang mga araw na 'yon. Naging malamig kami sa isa't isa ni Althea. Mahirap tanggapin na magkapatid kami. Para sa akin, s'ya ang babaing papakasalan ko.

Tumiim bagang ako nang pinatay ni Althea ang tawag. Matapos non ay tinungo ko ang mall kahit di sigurado kung aling mall ang pinasukan nila. Nagbakasakila. At bingo, natagpuan ko siya sa ice cream parlor malapit sa exit. Kasama niya si Raven at di nawawala ang mukhang asong-ulol na si Riley. Ang kaibigan niyang nakilala sa Belgium noon. Wala akong tiwala sa herodes na ito, natantya ko na may ulterior motives siya sa babae ko. Bagamat alam niya na half-sister ko si Althea, di ko hahayaan na makuha niya ito.

Nakipagsagutan ako sa matigas na Althea pero nakuha ko rin siya sa huli. Kinadkad ko siya sa sasakyan at dinala ko sa mansyon. Wala