Chapter 5

VIENNA'S POV

Kinabukasan, close na ang registration sa Music Club dahil nga sa sumobra na ang mga sumali. Kaya yung iba nanghinayang at nalungkot. Ang unfair lang kasi ang mas deserving na makapasok sa club hindi nakasali dahil lang sa mga fans ni Sebastian. Hindi muna sila nag-isip ng maayos bago sila sumali.

Bitbit ko lang ngayon ay ang gitara ko, wala na rin namang klase at continue pa rin ang event. Gusto kong mag-practice sa tahimik na lugar kaya naisipan kong sa Music Department ako pupunta. Nakapagpaalam na rin naman ako kaya ayos lang na pumasok ako ro'n para mag-practice.

Kina-reer ko na ang pagsuot ng sombrero, yung cap na bigay ni Britt kahapon plus pa na sobrang init ng panahon kaya kailangan ko ito ngayon. Nakarating naman ako ng Music Department, tamang-tama lang ang dating ko kasi walang tao. Kompleto naman na pala ang mga instruments dito, nilapag ko na muna ang gitara ko at nagtungo sa direksyon ng grand piano. Naupo naman ako sa silya paharap dito, gusto ko lang tumugtog tiyaka nakakamiss itong gamitin.

(Song playing: Crazier by Taylor Swift)

Napatigil ako sa pagtugtog nang may pumalakpak sa likuran ko, nilingon ko rin naman ito. Actually marami sila, nasa sampung katao at iisa lang yung babae. Lahat sila nakangiti sa 'kin pero may namumukhaan ako sa likod pero hindi ko siya masyadong makita.

"Ang ganda naman ng tinugtog mo plus ang ganda rin ng boses mo," nakangiting wika ng babae. Actually 4th year student na siya, napansin ko kasi sa suot nitong ID. Pero hindi halata kasi magkasing tangkad lang kami tapos ang cute-cute pa ng cheeks niya.

"By the way, we are from the Music Club. I'm Sheene Luis Villaruz, club Secretary at ito naman si Dim Yuzon, club President." Nag-hi na lang sa 'kin yung si kuya Dim, ngumiti na lang ako. Mukhang may club meeting sila o 'di kaya rehearsal, nakakahiya dito pa 'ko nagpunta.

"I'm Vienna Malvar, 2nd year from College of Political Science," pakilala ko naman sa kanila.

"Nice to meet you Vienna, by the way anong club ang sinalihan mo?" tanong ni kuya Dim.

"Sa club niyo po," maikling sagot ko.

"Really? kaya pala dito ka nag-practice. Yung kinanta mo kanina, 'yon din ba ang ipang-au-audition mo?" tanong ni ate Sheene.

"Hindi po ate, sumubok lang po ako." Nahihiya na talaga ako kasi naman halos silang lahat nakatingin na sa 'kin.

"Alis na po ako ate.. baka po kasi-"

"You can stay here Vienna, may pag-uusapan lang naman kami and guys magpakilala naman kayo kay Vienna," putol sa 'kin ni ate Sheene. Myghadd! gusto ko nang umalis dito pero ayaw niya 'kong paalisin.

"Hi Vienna, I'm Patrick drummer."

"Gian, bass guitarist."

"Louie, bass guitarist."

"Cedrick, composer."

"Sam, vocalist."

"Liam, vocalist."

"And I am Bryan, writer and composer."

An'dami naman nila at buti na lang na-memorize ko ang pangalan nilang lahat.

"Bro magpakilala ka na," biglang sabi ni Liam sa katabi niya. At doon ko lang napansin ang presensya ni Sebastian pero hindi niya naman na kailangan pang magpakilala, I already know him.

"Sebastian, main vocalist." Narinig ko rin finally ang boses niya ngunit bigla siyang nag-iwas ng tingin sa 'kin. Bakit kaya hindi niya matagalan ang pagtitig sa 'kin sa tuwing malapit ako sa kaniya?

"Nice to meet you all," tanging sagot ko. Ngumiti naman silang lahat bukod kay Sebastian.

"Diba pamangkin ka ni Professor Lozano, isa sa mga teacher ng College of Music?" tanong ni Cedrick, tumango naman ako. Kaya dito ako sa university na 'to nag-aral dahil kay tito, kasi raw sabi niya mas maganda rito. Siya ang nag-encourage sa 'kin na dito mag-aral, pinsan siya ni dad pero hindi ako masyadong close sa kaniya.

"Nagkita na ba kayo? kahapon kasi nagtanong siya sa'min kung sumali ka sa club," wika ni Liam, umiling naman ako bilang sagot. Malaki masyado 'tong university, malabo na magkita kami ni tito dito tiyaka ayoko ring magpakita sa kaniya.

"Isa pala siya sa magiging judge sa gaganaping audition," sabi naman ni kuya Dim. Parang gusto ko tuloy mag-back out dahil sa sinabi niya, ayoko kasi na makapasok ako sa Music Club dahil sa kaniya.

"Vienna mag-uusap muna kami ha? practice ka lang diyan. Good luck and godbless sa audition mo." Ngumiti na lang ako kay ate Sheene. Nagsipunta naman silang lahat sa stage habang ako nakatingin lang sa kanila.

Kinuha ko na lang din ang gitara ko at naupo malapit sa pinto. Hindi ko pa kabisado ang kanta pero kagabi nagsimula akong mag-practice nito.

Nag-start na rin naman na ako, strum lang ako ng strum, inuulit mula sa simula para makabisado kahit hanggang chorus lang muna. Medyo masakit na rin kasi ang mga daliri ko, ngayon lang ako nai-stress ng ganito, ewan ko nga ba. Ayoko rin naman kasing biguin sina Therese, plus nape-pressure ako sa kanila.

Minasahe ko na muna ang mga daliri ko, masakit na kasi tapos namumula pa. Hayssss kawawa mga daliri ko.

"Vienna.." Napatigil naman ako at lumingon sa nagsalita, si Louie.

"Ipahinga mo muna 'yan, hindi ka makakatugtog kapag pinagpatuloy mo 'yan. Kita mo na, namumula na ang mga daliri mo baka magkasugat pa 'yan." Mabait naman pala 'tong si Louie, halatang concern nga sa 'kin.

"Here, pinapabigay ni Sebastian," dugtong niya sabay abot sa 'kin ng pick. Nakakagulat naman na pinahiram ako nito ni Sebastian.

"Seryoso? pero paano siya?" takang tanong ko.

"Actually nakita ka niyang minamasahe 'yang mga daliri mo kaya inutusan niya 'ko na ibigay 'to sa 'yo, kunin mo na Vienna." Kinuha ko naman ang pick na inabot niya. Napatingin naman ako agad sa direksyon ni Sebastian pero nakatingin lang siya kay kuya Dim.

"Pero nakapagtataka lang, kahit minsan hindi niya kami pinahiram niyan pero no'ng makita ka niyang nahihirapan, pinahiram ka kaagad. Ang unfair niya sa'min diba?" Bakit kaya? na-curios tuloy ako sa kaniya. Pero may kabaitan pala siyang taglay kahit napakamisteryoso niya.

"Pasabi sa kaniya, salamat," tanging sagot ko.

"Sige Vienna, balik na ko ro'n." Nang makaalis si Louie, napatingin na lang ako dito sa pick na hawak-hawak ko. Nakalagay pa ang pangalan ni Sebastian dito, 'di ko naman napigilan ang mapangiti.

Nag-stay naman ako mga halos isa't kalahating oras sa Music Department at nagdesisyon na ring umalis. Bitbit ko na ang gitara ko, buti na lang napatingin si ate Sheene sa direksyon ko. Sumenyas naman ako na aalis na, nagba-bye rin naman siya sa 'kin at ngumiti.

Nakalabas na nga ako ng Music Department pero saan naman ako pupunta? sina Michelle mamayang lunch ko pa makakasama. Mag-isa na naman ako, saan naman kaya ako pwedeng tumambay? 

Nakahanap din naman ako nang pwede kong mauupuan, tahimik dito at malayo sa venue ng event pero nadidinig ko naman mula rito ang tugtog sa stage. Nailabas ko naman ulit ang gitara ko, gagamitin ko na rin itong pick na pinahiram sa 'kin ni Sebastian. Nag-start na rin naman akong tumugtog, medyo okay na at hindi na masakit sa daliri. Salamat sa kaniya at pinahiram niya 'ko nito.

"Hey, girlfriend ni Tine." Tuluyan ng nasira ang mood ko sa tatlong taong dumating. Naupo pa talaga sila sa harapan ko sabay lapag ng drinks na binili nila. Aalis na sana ako kaso pinigilan naman ako ni Liezel.

"Ayaw mo bang makasama kami? tiyaka ba't ka nandito? habang yung boyfriend mo naandon sa field at injured." Nandito si Tine? bakit pa pumasok ang asungot na 'yun? Pero nag-init bigla ang ulo ko dahil sa sinabi niya. Hindi ko boyfriend si Tine pero ang pangit sa pandinig ng mga sinabi niya. 

"Sa Music Club ka sumali?" tanong naman ni Rachelle. Hindi ko siya sinagot, nakatingin lang ako sa kanilang tatlo. I don't like their presence here.

"Dahil din ba kay Sebastian kaya ka sumali sa Music Club?" tanong naman ni Mae.

"Gusto mo rin bang magpapansin kay Sebastian? you don't need to do that, kasi wala naman kayong mapapala sa kaniya." Nakakapikon na 'tong si Liezel, nakakaubos siya ng pasensiya pero kalmado pa rin ako. Ayokong maging defensive sa harapan nilang tatlo, mga impostor!

"Good luck na lang sa 'yo Vienna." Tumayo na silang tatlo at umalis na sa harapan ko. Tiyaka ako napabuntong-hininga ngunit pagkalipas ng ilang segundo, naramdaman ko na lang ang malamig na bagay na umaagos sa balikat ko.

"Oppss.. sorry." Boses 'yon ni Rachelle at alam kong sinadya niyang gawin 'yun. Umalis na rin naman sila agad, an'daming nakakita sa ginawa niya at pinagtinginan tuloy ako pero in-ignore ko na lang. Ngayon pa talaga na wala akong extrang damit tapos itong damit na suot ko manipis at kapag nabasa kitang-kita ang suot kong bra. Tinakpan ko naman ang dibdib ko gamit ang kanang kamay ko at ang kaliwang kamay ko kinuha ang gitara at binalik sa lalagyan nito. Nakakainis silang tatlo, shit that bitches! evil witches!

"Vienna..." Tuluyan ko nang tinakpan ang dibdib ko gamit ang dalawang kamay ko nang dumating sina Britt kasama si Sebastian. Nakakahiya na makita nila akong ganito, nanlalagkit na rin ang buo kong katawan.

"Anong nangyari?" tanong ni Britt. Hindi naman ako nakasagot agad kasi pinagtitinginan na kami rito.

"Vienna basa ka, may extra akong damit sa locker kukunin ko-" Akmang aalis na si Enzo pero pinigilan ko siya.

"Okay lang Enzo, si... si Therese papunta na." Pero nagulat na lang ako nang lumapit si Sebastian sa direksyon ko. Nang makarating siya sa harapan ko, hinubad niya ang suot niyang brown na jacket at pinasuot sa 'kin. Halos lahat ng atensiyon nasa amin na, an'dami na ring nagbubulungan at may kumukuha na rin ng litrato.

"Suotin mo hangga't hindi pa dumating si Perez," aniya at umalis na sa harapan ko. 'Di ko man lang nagawang magpasalamat kasi tuluyan na siyang umalis mag-isa.

"Ang sweet naman ni Sebastian."

"Swerte ng babae, sino kaya siya?"

"Magkakilala kaya sila?"

'Yan ang mga naririnig ko sa paligid kahit ako nagtataka rin, kapag nalaman 'to ng mga fans niya lagot ako. 

Bakit kaya concern sa 'kin si Sebastian ngayong araw? anong nakain nun?

"Pre kunin mo na yung extra mong t-shirt, ang tagal ni Therese," rinig kong utos ni Britt. Tumakbo naman paalis si Enzo, sorry to them, I lied.

"Okay ka lang? ano bang nangyari?" tanong ni Britt.

"Aksidente akong nabuhusan ni Rachelle ng drinks pero okay lang ako," sagot ko naman. Pero mukhang 'di siya naniwala sa sinagot ko. Nakabalik din naman si Enzo, na konsensiya tuloy ako.

"May malapit na CR do'n, kami na munang bahala rito sa gitara mo." Sinunod ko naman ang utos ni Britt. He's just like my older brother, mas concern pa siya kaysa sa kuya ko.

Nakapagbihis din naman ako ng damit, medyo may kalakihan pero okay na 'to kesa naman magkasakit ako. Thanks to the both of them, sobrang bait nila sa 'kin.

"Salamat sa damit Enzo," sabi ko pagkabalik ko sa puwesto nila. Nilapag ko muna ang jacket na pinahiram ni Sebastian at inayos na ang gitara ko. Dumating din naman si Therese at Michelle, halatang nag-aalala ang mga ito sa 'kin.

"Vienna anong nangyari? okay ka lang ba? anong ginawa nila sa 'yo?" tanong ni Michelle pagkarating nila sa puwesto ko.

"Mga kontrabida ng taon, mga demonyita.. grrrrr!! kainis na sila," galit na sabi ni Therese. Mukhang 'di man lang nila napansin ang presensya ni Britt at Enzo. 

"Okay lang ako tiyaka pinahiram na 'ko nang damit ni Enzo," tugon ko, tiyaka lang nila nilingon sina Britt pero inirapan lang nila ang dalawa.

"'Yang kaibigan niyo pinagalitan ako, ang bagal ko raw kumilos at walang kwentang kaibigan," galit na sambit ni Therese sa dalawa. It's all my fault, I lied. Pero bakit siya pinagalitan ni Sebastian?

"Sorry nagsinungaling ako sa inyo, hindi ko naman talaga kasama si Therese kanina at mag-isa lang ako. Ayoko lang kasi na maabala ko kayo, Therese sorry kung pinagalitan ka ni Sebastian nang dahil sa 'kin," pagpaumanhin ko. Nilapitan naman ako ni Therese at hinawakan sa magkabilang balikat.

"Vienna okay lang, may kasalanan pa rin naman ako kasi wala ako sa tabi mo habang inaaway ka ng tatlong bruhilda na 'yun," sagot ni Therese.

"Me too, sorry Vienna. Kung naandito lang sana kami, pinagtanggol kana namin dun sa tatlo," wika ni Michelle.

"Pero kainis pa rin 'yang kaibigan niyo, bakit siya nagagalit? ano concern siya kay Vienna? at bakit? Why all of the sudden naging mabait siya? bakit kay Vienna lang?" sunod-sunod na tanong ni Therese ngunit bakas pa rin ang inis sa boses niya. 

Nakakagulat ang mga tanong niya. Kahit sina Britt nagulat at halatang natakot sa mga tanong niya.

"Girl kalma lang," natatawang wika ni Michelle habang minamasahe ang balikat ni Therese. Palihim naman akong napatawa.

"Kahit kami hindi rin namin alam tiyaka nagulat din kami kanina nung pinasuot ni Sebastian 'yung jacket niya kay Vienna," saad ni Britt.

"PINASUOT NI SEBASTIAN ANG JACKET NIYA KAY VIENNA?!" Myghadddd! gulat na gulat? sabay pa talaga silang dalawa na sabihin 'yon. Nagtaka naman tuloy ang mga estudyante na nasa paligid namin.

"Ito ba 'yun?" ani Michelle at dinampot ang jacket na pinahiram ni Sebastian. Marahan naman akong tumango bilang sagot.

"Ang swerte mo naman Vienna, bakit kaya concern sa 'yo si Sebastian? may pasuot pa siya ng jacket sa 'yo," kinikilig na wika ni Therese. Sinundot pa niya 'ko sa tagiliran eh kanina galit na galit 'to nung pinagalitan siya ni Sebastian.

"Tinanong mo pa talaga si Vienna, kung ako sa 'yo si Sebastian ang lapitan at tanungin mo," sabat naman ni Britt, inirapan tuloy siya ni Therese.

"Kung ang mga fans nga niya ayaw niyang kausapin, si Therese pa kaya? utak mo Britt," sabat din ni Michelle.

"Vienna nasa social media ka na naman, ikaw na naman ang pinag-uusapan." Napatingin naman kaming lahat kay Therese na kasalukuyang nakatingin sa phone niya at may binabasa.

"Bakit girl? ano na naman 'yan?" tanong ni Michelle.

"May nag-post ng picture niyo ni Sebastian sa i*******m, an'dami na ring nagco-comment parang halos lahat galing sa fans club niya. Ang iba naiinggit, naiinis at nagagalit sa 'yo Vienna," tugon niya at pinakita ito sa'min. Ang nakakainis lang binibigyan nila ng malisya ang isang litrato tapos ginagawan ng kung anu-anong kuwento para mapag-usapan lang ng lahat.

"Ito may isang nag-comment, "Paano na si Tine? magjowa sila diba?" talaga namang naniwala rin sila sa bagay na 'yun tungkol sa inyo ni Tine. Bakit kasi hindi pa umamin si Tine na walang kayo para tigilan ka na rin ng mga fans niya?" saad ni Michelle. Hindi ko naman alam kung ano ang isasagot ko. Kakatransfer ko pa lang sa university na 'to pero pangalawang beses na akong na-issue.

"Huwag mo na lang pansinin Vienna, wala lang magawa ang mga 'yan. Titigil din sila, hindi pa nga lang sa ngayon," wika ni Britt, napilitan naman akong ngumiti.

"Napakamisteryoso ba naman kasi nang kaibigan niyo, gwapo nga masungit naman. Tapos ngayon nagpapakasweet kay Vienna, 'di kaya gusto niya 'tong kaibigan ko?" wika ni Michelle. Sinamaan ko tuloy siya nang tingin, 'yun ba naman kasi ang isipin niya na malabo namang mangyari.

"Alis na muna kami, bye Vienna," paalam ni Britt at umalis na silang dalawa. Naiwan na kaming tatlo rito, pero ako nagtataka pa rin sa mga nangyari.

Bakit kaya masyado siyang concern sa 'kin? ang unfair niya masyado. Hindi rin naman big deal 'yon sa 'kin kaso nakapagtataka lang ang mga kinikilos niya. Akala ng lahat masama siya, pero hindi naman pala. May kabaitan pala siyang taglay kaya palihim naman akong napangiti dahil sa ginawa niya.