Chapter Two

CHAPTER TWO

AKI's POINT of VIEW

"Good morning po," bati ko sa mga security guard pagkapasok ko sa entrance ng InLine main building.

Dumiretso ako sa loob at binati din ang mga staff na nasa information desk. "Good morning."

Maganda ang mood ko ngayong araw kaya gusto kong ipalaganap sa buong InLine ang kagalakan kong makapagtrabaho dito. First day ko ngayon at sinadya ko talagang agahan ang pasok ko para kahit papano'y hindi nakakahiya sa boss ko. 

"Sir!" napasigaw ako nang wala sa oras nang makita ko ang lalaking nag-hire sakin kahapon at mukhang naghihintay ito sa elevator.

Nakita kong napalingon siya sakin. Mabilis ko namang tinungo ang kinaroroonan niya at nakangiti itong binati. "Good morning po." 

"Akira, right? Ang aga mo naman ata?" tanong niya at saktong bumukas ang elevator. Pumasok siya at gano'n din ako.

"Ayoko po kasing mapahiya sa boss ko." sagot ko na lang. Nakita kong palihim siyang natawa na ipinagtataka ko. "May nakakatawa po ba?" 

Natigil naman siya sa ginagawa niya at saka umiling. "Wala lang, mahilig lang talaga akong matawa kahit walang nakakatawa." 

Baliw ba 'to? Kahapon lang, na-encounter ko ang janitor nilang recruiter na sinisigawan ako, tapos ngayon isang nilalang na naman ang natatawa mag-isa kahit wala namang nakakatawa.  

"Siyanga pala, hindi mo pa napipirmahan ang kontrata mo kahapon. Ihahatid muna kita sa HR Department, dahil baka may sasabihin pa sila sayo. After signing of contract, dumiretso ka na lang sa sixty-eighth floor dahil nandoon ang opisina ng boss mo. Madali lang naman ang mga gagawin mo dahil susundin mo lang lahat ng iuutos niya. Maliwanag ba?" paliwanag niya sakin at kaagad ko siyang sinagot ng pagtango.

Sa totoo lang, wala akong naintindihan sa sinabi niya kasi masyadong mabilis siya kung magsalita, pero dahil gusto kong magpa-impress ngayong araw, umuo na lang ako para sabihin niyang mabilis akong makaintindi at matuto. Baka masesante pa ako dito kapag nalaman nilang medyo may pagka-slow 'tong utak ko.

"Good!" 

Pagkalipas ng ilang segundo, bumukas na ang elevator. Lumabas si sir kaya sumunod na lang ako sa kanya hanggang sa makarating kami sa Human Resource Department. Nabasa ko sa mismong glass door ng opisina.

"Good morning, sir Gino." dinig kong bati ng isang bakla at sinalubong kami. "What brings you here? Miss mo kaagad ako fa?" tanong pa ng bakla.

"Oo na lang," sagot ni sir pagkatapos ay natawa. "Anyway, I want you to meet Akira, new secretary ni Boss." pag-iiba niya pagkatapos ng kanilang tawanan. 

Napabaling sakin ang bakla at nakita ko ang pag-ismid nito sakin. "Oh, goodluck to her life then." puno ng kapaklaan niyang sagot.

"Parang tinatakot mo naman 'tong si Akira." 

"Anong masama sa sinabi ko?"

"Basta, ikaw na ang bahala sa kontrata niya. Iiwan ko muna siya dito." sabi ni sir at maya-maya'y bigla niya akong tinapik sa balikat. "If you are free later, I'll tour you inside InLine company, okay? Para hindi ka mahirapan kapag inutusan ka ng boss mo." baling niya sakin.

"Sige po." 

"Mauna na 'ko." 

Pagkaalis ni sir, naiwan kami ng bakla dito sa loob. Hindi ko pa naman gusto ang dating niya, parang anytime handa siyang sabunutan ako o di kaya'y sampalin. 

"Please take a sit." sabi niya sakin na sinunod ko naman.

Sinundan ko siya nang tingin hanggang sa pumunta siya sa isang drawer at may kinuhang dokumento. "Your annual salary could be closer to two million pesos. Hindi pa kasama ang incentives or other bonuses na makukuha mo if ever." inilagay niya ang documents sa table na nasa harap ko at hindi ko mapigilang mapanganga dahil sa narinig ko.

Two million? Nag-apply lang ako dito pero hindi ko naman inaakalang magiging ganyan kalaki ang annual salary ko.

Ganito ba talaga kayaman ang may-ari ng InLine?

"Siguro may mga ideya ka naman kung ano ang kadalasang ginagawa ng mga sekretarya—"

"Oo naman po," sagot ko sabay ngiti nang malapad.

Hindi ko na pinakinggan ang iba pa niyang sasabibin, basta't kinuha ko na lang ang ballpen at sinimulang basahin ang nakasulat sa kontrata. Nang mabagot ako sa kakabasa, pinirmahan ko na lang ang bawat pahina kung saan ako dapat pumirma and then viola! Tapos na ako sa contract signing.

Two million na 'yan e, papalag pa ba ako? Kung tutuusin instant milyonaryo na ako sa loob ng isang taon. 

"And this one," binigay niya sakin ang kulay puting folder dahilan para mapatingin ako sa kanya. "That's your boss' schedule for today." 

Binuksan ko ang folder at patango-tangong binasa ang nakapaloob. "Isang araw lang po 'to?" taka kong tanong at bumaling sa HR.

"Mukha bang pang-isang buwan 'yan?" maarte niyang sagot sabay irap sakin.

Nagtatanong lang naman e. Parang kukulangin kasi ang isang araw para ma-accomplish lahat 'to ni boss.

"Kaloka. Bahala ka na diyan, total hindi ka naman magtatagal dito and it's a waste of time kapag pinaliwanag ko pa sayo lahat lahat. Pag-aralan mo na lang ang trabaho mo at huwag mong bigyan ng sakit sa ulo si boss. Nagkakaintindihan ba tayo?" paliwanag niya at pinagtaasan pa ako ng kilay.

"Oo naman po." buong kompiyansa kong sagot.

Hindi ko naman mabibigyan ng sakit sa ulo si boss. Malabo kasing magka-tumor siya dahil sakin. Maliban na lang kung may mental disorder siya since birth.

"Okay, you can now go back to your station."

Balak ko pa sanang magtanong nang tinalikuran niya kaagad ako at naging abala sa pagpapaganda sa sarili niya. Pwede pala 'yang mga ganyanan dito?

Tumayo na lang ako saka binitbit ang puting folder na naglalaman ng schedule ng boss ko. Lumabas ako sa office at wala sa sariling nagpalakad-lakad sa buong palapag. 

Saan na ako pupunta ngayon? Ang alam ko, may binanggit kanina si Sir Gino kaso hindi ko matandaan.

"YOU'RE FIRED!" 

Muntikan na akong mapatalon sa gulat nang makarinig ako ng sigaw mula sa hindi kalayuan. Tinitigan kong mabuti kung sino ang sumigaw at napailing na lamang nang mapagtanto ko kung sino. 

"MY COMPANY DOESN'T NEED INCOMPETENT EMPLOYEE." 

Ang aga-aga pero highblood na kaagad 'tong janitor na recruiter nila. 

Tumakbo ako sa direksyon ng janitor na recruiter at sinundan siya hanggang sa loob ng elevator. Baka sakaling mabigyan niya ako ng sagot kung anong floor ang opisina ng boss ko. Siya lang kasi ang namumukhaan ko dito, maliban kay sir Gino.

"Hello, good morning." nakangiting bati ko sa janitor pagkapasok ko sa loob ng elevator.

Hinintay kong sumara ang elevator bago tumingin sa kanya. Magkasalubong ang dalawa niyang kilay at inis na pinasadhan ako ng tingin. "Anong ginagawa mo dito? Hindi mo ba narinig ang sinabi ko sayo kahapon? And the fact na dito ka pa mismo sa vip—"

"Itatanong ko lang naman sana kung saan ang opisina ni..." saglit akong napahinto at binuklat ang folder na hawak ko. "...ni Sir Aldrich Federico?" basa ko sa pangalan ng boss ko at muling tumingin sa kanya.

Mas lalong napakunot ang kanyang noo at maya-maya'y napataas ang kaliwa niyang kilay. Bakla din ba 'to?

"Aldrich Federico don't have a scheduled appointment with someone like you—"

"Newly hired secretary niya po kasi ako, kaya malamang sa malamang, wala akong appointment sa kanya dahil siya ang boss ko. Ngayon, pwede niyo na po bang sabihin sakin kung saang floor ang opisina ni boss?" pagpapaintindi ko sa kanya.

Ang hirap pala kapag masyadong highblood ang kausap mo. Hindi ako sure kung laging may dalaw ba 'to o sadyang ipinaglihi lang sa sama ng loob.

"Newly hired secretary?" matabang niyang tanong

"Opo." sagot ko at sinabayan pa ng pagtango

"Then you're fired." seryoso nitong sambit kasabay nang pagbukas ng elevator. Lumabas siya at iniwan akong nakaawang ang bibig. 

Hindi ko alam kung nagbibiro ba siya o hindi pero ang yabang naman ng janitor na 'yan para sabihing sesante na 'ko. Kung ayaw niya akong sagutin kung nasaan ang opisina ng boss ko, edi huwag! Kaya ko namang magtanong sa iba. Psh.