Chapter Sixty Three

TRAVIS

Napakasarap pagmasdan pag nakikita mong masaya ang mga mahal mo sa buhay. 

Ganito pala ang pakiramdam pag napunta ka sa tamang tao, makukuntento ka na at wala ka nang hihiling pang iba.

Kung iisipin, wala talaga akong nararamdaman noon kay Aaliyah. Wala sa isip ko na magkakagusto ako sa kanya dahil ang turing ko lang sa kanya noon ay kapatid.

Pero naging mapaglaro ang tadhana, pinagkasundo kami ng mga magulang namin.

Sa una, hindi ko talaga tanggap dahil may mahal akong iba. Pero kalaunan, habang nakikita ko ang ginagawa niya para sakin, ang pag-aasikaso niya kahit lagi ko siyang sinisigawan noon ay nag-iba. Unti unti kong naaapreciate lahat ng ginawa niya, hindi ko nga lang pinapahalata. Lagi kong pinapakita sa kanya na galit ako.

Hindi ko alam na sobra ko na pala talaga siyang nasasaktan dahil mahal niya