Chapter Fifty Six

Habang naglalakad ang mag-ama, ang mga taong nasa paligid nila ay nagtataka. Lalo na nang makita nila ang CEO ng kompanya sa stage at may katabing bata. Ang mga magulang naman nila ay naiiyak sa saya. Mukhang alam na ng mga ito ang gagawin ni Travis.

 Habang si Trisha na nasa likod ng stage ay napanganga na lang. Hindi niya din alam na ngayon na lalabas ang kuya niya at si Trishana. Ngayon na pala ito ipapakilala! Ang alam din nito ay mamaya pa ito magsasalita kapag natapos ang fashion show. Kaso mukhang nainip ang kapatid niya kaya umakyat na ito ng stage at may papatay effect pa na ilaw. Napailing na lang si Trisha habang pinagmamasdan ang kapatid niya.

 Nang makalapit na ang mag-ama kay Aaliyah, nakangiting inabot ni Travis ang bulaklak sa asawa niya.

 "For my beautiful wife." Dahil naka-open pa rin ang mic ni Aaliyah, narinig ng lahat ang sinabi nito. Muli ay nagulat ang lahat dahi