Chapter 67

NAKATUNGHAY si Gwen sa mag-ama, hindi pa rin niya maintindihan kung bakit ginagawa nila ang bagay na iyon sa kanya at maging sa kaniyang asawa. Hindi lang basta kaibigan ang turing niya kay Zab. Humanga siya noon dito at kinainggitan din ng palihim, pero lahat ng naramdaman niya para rito'y unti-unti nang naglaho. Una, nang pagpanggaping may nangyari sa kanila ni Gian. Pumayag siya sa kagustuhan nito, hindi dahil sa may lihim siyang pagtingin sa boyfriend nito, kundi dahil ginipit siya nito. Siningil sa lahat ng naitulong nito at ngayon, heto siya, nakaupo nga pero mahigpit namang nakatali ang kaniyang kamay at paa dahil sa kagagawan ng mag-amang ito.

Ano bang kasalanan niya kay Zabrina? Bakit siya nito pinahihirapan? Kung yaman lang ang pagbabasehan... wala siya n'on. Talong-talo nga siya nito, pero bakit?

Napabaling ang tingin niya sa kinaroroonan ni Rachel. Bahagya siyang napailing. Sinong mag-aakala na kasabwat ito ng mag-ama? At ang lahat pala ng nangyari noo'y pakulo rin ni Za