Damian & Anya 16

Anya's POV

NILINGON ko sa tabi ko si Damian at nakita ang payapa nitong mukha habang mahimbing na natutulog.

Nandito pa rin kami sa kwarto na pinasukan ko—magkasamang nakahiga sa iisang kama. Gustuhin ko mang umiwas o umalis, ayaw naman akong pakawalan ni Damian. Halos yakapin na niya ako, huwag lang akong mapalayo sa kaniya.

Hinayaan ko na lang din ito dahil napapagod nang umiwas ang puso ko. Halos hindi na siya matulog, mabantayan lang ako at masiguro na hindi na naman ako aalis sa tabi niya.

When the clock strikes 12, maagap kong binawi ang kamay kong hawak ni Damian. Maingat at walang ingay akong bumangon at saka tahimik na bumaba ng bahay para lumabas.

Sa sandaling makalabas ako, nakita ko si Margot sa pantalan, nakaupo sa silyang nakaharap sa lamesa. Tahimik ko itong nilapitan.

"Margot?"

She didn't bother to look at me. "May sasabihin ako, maupo ka."

Sinunod ko ito at naupo sa tabi niya. "Hindi ka ba nilalamig dito sa labas? Ang lalim na ng gabi. Sa loob tayo."

"Anong pake mo?"