HTGT: 4

Buong araw akong nanatili sa pagkakahiga mula sa ibabaw ng kama kama ko dito sa aking kwarto. Wala akong ganang kumain pagkatapos naming magusap ni mama kanina. Hindi ko man lang naramdaman ang pangangalay ng likod ko dahil kanina pa ako nakahiga sa kama ko. Pinipilit ko ang sarili kong matulog pero, hindi ko magawa. Nababagabag ako, sa pagiisip ko ng kung ano ano. Para bang mababaliw ako dahil sa sobrang pagiisip.

Napalingon ako sa alarm clock ko. Pasado alas otso na ng gabi. Paniguradong tulog na sila mama. Hindi na rin ako nagtaka kung bakit hindi nila ako tinawag para kumain dahil, alam nila na wala akong ganang kumain. Napabuntong hininga ako bago ko naisipang damputin ang cellphone ko sa gilid ko. Binuksan ko ang f******k ko at ganoon na lamang ang panlalaki ng mata ko ng makitang maraming notification sa account ko.

Tinampal ko ang pisngi ko para alamin na hindi ako nananaginip. Ang laman ng notification ko ay ang modelong nagngangalang Serah Park at ang kapartner niyang si Darrell.

Ang laman ng buong balita ay tungkol sa kanilang dalawa ni Darrell. Ang nalalapit na kasal nilang dalawa. Kinabahan ako ng biglang sumagi sa isipan ko si Harris. Alam na kaya ni Harris ang tungkol sa balitang ito? Nasaan kaya siya ngayon? Hindi naman ako ganito ka concern sa kaniya noon. Pero, sana ay ayos lamang siya kung alam na niya ang tungkol sa balitang ito.

Dahil sa hindi ako mapakali, napagpasyahan kon tawagan si tita Emy. Tatanungin ko lamang kung ayos lamang si Harris.

Makailang ring ito bago ni tita sinagot ang tawag ko.

“Hello, po tita Emy.” Pangunguna ko ng sagutin niya ang tawag ko. Ilang saglit pa ay nagsalita na ito sa kabilang linya. Napabangon ako mula sa aking kama ng sabihin ni tita na hindi nila maawat si Harris. Dalawang oras na raw itong umiinom ng alak at sobrang lasing na raw nito.

“Ano po ang ginagawa niya ngayon? Tanong ko kay tita Emy.

“Ito, lasing na lasing. Kahit anong gawin namin ayaw magpapigil.” Problemadong sambit ni tita, mula sa kabilang linya ng telepono.

“Nakita niya po ba sa news feed ang tungkol sa relasyon ni Serah at ni Darrell, tita?” Tanong ko.

“Hindi ko alam, Elle. Wala namang binaggit sa akin si Harris, pero malakas ang kutob namin na alam na niya ang tungkol sa relasyon ni Serah at ni Darrell.” Saglit akong napaisip. Hindi ako matatahimik kung hindi ko makikita si Harris ng personal, kahit naman na alam kong galit rin siya sa akin.

“Sige po tita. Pupunta po ako ngayon d'yan, ” Sabi ko.

“Huwag na, Elle. Maaabala ka lang, ” sambit ni tita.

“ Hindi po ako maaabala, tita. Hintayin niyo na lamang po ako d'yan,” ayon lamang ang aking sinabi at napagpasyahan ko ng magpalit ng suot.

Ilang minuto lamang ang nasayang ng matapos ako sa pagaayos ng sarili. Nagsuot ako ng Jacket dahil malamig sa labas tuwing ganitong oras. Kinuha ko ang susi ng aking sasakyan sa drawer ko ay lumabas ng kwarto ko.

Hindi na ako nagabala pang magtungo sa kwarto nila mama dahil tiyak na hindi ako papapuntahin sa bahay nila tita Emy ng ganitong oras. Si Annie naman ay tiyak na nasa kaibigan niya ito ngayon. Madalas ang naiiwan dito sa bahay ay ako lamang.

Malamig na simoy ng hangin ang sumalubong sa akin pagkalabas ko ng bahay namin. Gayunpaman, nagtungo ako sa parking lot nitong bahay namin para sumakay sa kotse ko na niregalo pa ni Harris. Noong nag eighteen years old ako ito ang iniregalo sa akin ni Harris. Ito rin ang kinaingat ingatan kong bagay na iniregalo sa akin noon. Siya rin ang pang last dance ko noong eighteen years old ako, masasabi kong napaka romantic noong gabing iyon.

Mabuti na lamang ay may gwardiya kami kaya hindi na ako nahirapan pang magbukas ng gate. Binaybay ko ang kalsada. Wala ng masyadong katao tao sa gilid ng kalsada, kakaunti na lamang ang mga nakakasalubong kong mga sasakyan.

Ilang minuto lamang ay nakarating na ako sa tapat ng gate nila Harris. Mukhang inaasahan na ng gwardiya na darating ako dahil nakabukas na ito. Bago ko malampasan ang gwardiya nila Harris itinigil ko muna ang aking sasakyan at dumungaw sa labas.

“Salamat po,” mahinahon kong sabi.

“Walang anuman po, ma'am Elle. ” Sambit nito kaya tumango ako at nginitian ito.

“Sige po, mauuna na po ako.” Sabi ko at isinara na ang bintana nitong bintana at pinaandar na itong kotse ko patungo sa tapat ng mansyon.

Pagkahinto ko ng aking sasakyan kaagad akong naglakad papasok ng pintuan nitong bahay nila Harris. Ng makita ako ni tita Emy ay kaagad akong sinalubong ni tita.

“Pasensiya na, Elle. Hindi namin napigilang magpakalasing ni Harris. Gusto kong sugudin ang babaeng iyon at sampalin ng ilang beses, ” sambit ni tita. Ngumiti ako ng pilit.

“Huwag na po kayong magalit tita. Hindi po natin kagustuhan na mangyari ito, may mga tao lang talaga na hindi man lang iniisip ang nararamdaman ng ibang tao, ” sabi ko.

“Ewan ko, Elle. Ayaw kong makita ang babaeng iyon at baka kung ano pa ang magawa ko sa kaniya, ” sabi ni tita.

“Huwag po kayong masyadong ma- stress, tita. Nasaan po ba si Harris ngayon? ” Tanong ko habang naglalakad kami patungong living room.

“Nasa kwarto niya, Elle. Nand'on umiinom at ayaw makipag usap kahit kanino. Sinubukan na rin ni Stella na kausapin ang kuya niya pero, walang nangyari. ” Sabi ni tita, ng makarating kami sa couch. Inalalayan ko itong maupo.

Umupo ako sa tabi ni tita.

“Hayaan na lamang po natin si Harris. Masakit sa kaniya na malaman na niloloko lamang pala siya ng babaeng mahal niya. Ako na lamang ang bahala sa anak niyo tita, magpahinga na po kayo.” Sabi ko.

“Sigurado ka ba, Elle? Abala lamang sa'yo ang magbantay kay Harris,” sambit ni tita. Ngumiti ako, para ipahiwatig sa kaniya na ayos lamang ako.

“Oh, sige. Inaantok na rin talaga ako, Elle. Dito ka na lang matulog sa guestroom kung matutulog ka na,” sabi ni tita.

“Ako na po ang bahala sa anak niyo tita, uuwi na rin po ako mamaya kapag nakatulog na si Harris.” Sabi ko.

“Huwag na. Sa guestroom ka na lang matulog,” sabi ni tita.

“Sige po tita. Matulog na po kayo,” sabi ko. Tumango naman ito at tumayo.

“Tawagin mo na lamang ako kapag may problema,Elle.” Ayon lamang ang sinabi ni tita Emy at nagpaalam na pupunta na siya sa kwarto nila tito.

Dumaan ang isang minuto ako na lamang ang natira dito sa living room. Napagpasyahan kong tumayo na mula sa pagkakaupo dito sa malambot na couch. Habang naglalakad ako palabas nitong living room, napatigil ako ng makita kong patungo si Harris sa direksyon ko. Hindi ko maihakbang ang paa ko para bang natulos ako sa kinatatayuan ko at hinihintay ko na lamang ang mga susunod na mangyayari. Pagewang- gewang ito habang naglalakad at mukhang wala na ito sa tamang pagiisip. May hawak itong isang bote ng beer at sa tansya ko ay wala na itong laman.

“Ayos ka lang ba?” Napipilitan kong sabi. Tumigil ito sa paglalakad at tinignan ako nito. Para bang matutumba na ito dahil sa sobrang kalasingan. Ang mga nito ay mapupungay at pansin ko ang lungkot sa mata niya.

“What are you doing here?”