CHAPTER 4

Hindi na ako bumaba pa sa cafeteria upang mananghalian dahil mas pinili na lang namin ni Alex na dito na lang kumain sa office. Napansin ko kanina ang kakaibang kinikilos ni Alwxa ngunit hindi ko na lamang ito pinansin pa. Masaya kaming kumain ni Alex ng lunch namin dahil mas tahimik naman dito sa may terrace sa department namin.

"Baks bakit nga pala nandito kanina ang CEO?" tanong ko dito matapos nitong makabalik nang magtapon ito ng pinagkainan namin

"Hindi ko alam dahil nawala na ako sa sarili kanina sa pagkataranta sa nangyari sa iyo" tugon nito sa akin kaya tumango na lamang ako

"Saan nga pala galing kanina yung ininom mo?" nagtatakang tanong ko dito dahil  sa pagkakaalala ko ay wala nang tubig sa water despenser kanina 

"Kay Mr. CEO nanggaling iyon at nakasalubong ko ito kanina nang papalabas na sana ako ng pantry para tumakbo sa kabilang team" paliwanag nito sa akin kaya tumango na lamang ako

Hindi naman siguro nito alam na ako ang babae na naikama nito noong gabing iyon dahil pareho kaming lasing noon. Saka paano naman nito malalaman na ako ang may-ari ng kwentas na iyon dahil na naiwala ko nang hindi ko namamalayan. Napabalik lamang ako sa reyalidad nang hamapasin ako ni Alex sa braso ko kaya sinamaan ko ito ng tingin.

"Nakikinig ka ba sa mga sinasabi ko ha babae?" nakataas kilay na tanong nito sa akin kaya napaiwas  ako dito ng tingin dahil hindi ko kayang magsinungaling dito. 

"Hoy Maria ha payong kaibigan lang, mag-iiwas ka kay sir Mark dahil parang nagpapalit lang ng damit yang si sir kung magpalit ng girlfriend at sa tingin ko ay ikaw naman ang target nito" paalala sa akin ni Alex kaya tumango ako upang iparating na naiintindihan ko.

"Bakit ang sama lagi sa akin ng tingin ni Alexa simula kanina nang lumapit sa akin ang boss natin?" kuryuso kong tanong dahil hindi ko naman alam ang dahilan kung bakit parang galit sa akin ang kaibigan ko

"May feelings kasi ang gaga sa boss natin at bago ito umalis dati pasa ibang bansa ay nagawa ni gagang maghubad sa harap ni sir pero deadma lang ang binata" kwento nito sa akin at tila walang pakialam kung marinig siya ng iba

"Hindi man lang ba pinatulan ni boss si Alexa?" mangha kong tanong dito dahil hindi ko akalain na magagawa iyon ng kaibigan ko para lamang sa isang lalaki

"Hindi at for the record may inaalagaan iyang si boss at daig pa ang babae kung makaalaga sa virginity nito kahit nga halik hindi nito nagawa" kwento nito sa akin kaya namula ako dahil sa naalala noong gabing iyon

"Sabi nga ang dami nitong naging babae tapos hindi man lang nito ginalaw?" hindi makapaniwalang tanong nito sa akin 

"Hindi kasi may paniniwala ang pamilya nila na kung sino man ang una nila ay ito na ang ihaharap nila sa altar at mamahalin habang buhay kaya ang swerte nang babae na mamahalin ng boss natin" wika nito sa akin kaya napailing ako

Kailangan kong mag-ingat pagdating sa boss namin at sana ay wala itong naalala o hindi nito ako namukhaan ng gabing iyon. Agad kaming pumasok ni Alex sa loob ng department nang malapit nang magworking hours at agad kaming naglog-in doon. Inumpisahan ko na ang trabaho ko at dahil kompleto ang lahat ng workers ngayong araw ay hindi kami masyadong nahirapan at natambakan ng trabaho. 

Hindi pa rin kami ayos na magkakaibigan kaya laging si Alex ang kasama ko sa buong maghapon. Hindi na din kami bumaba upang magmeryenda at mas pinili naming tumambay na lamang sa terrace at magkwentuhan upang patayin ang oras. Masaya kaming nagtawanan at may ilang napapatingin sa pwesto namin dahil sa maling interpretasyon nila sa amin. Hindi naman masama na makasama si Alex at bilang isang kaibigan ay maasahan ito at isa pa ito ang kauna-unahan kong kaibigan dito sa trabaho ko.

"Baks malakas ang ulan at malayo pa ang bahay ko at sigurado akong baha na din sa daan patungo sa tinutuluyan ko" nag-aalalang wika nito sa akin habang nakatingin sa malakas na buhos ng ulan

"Sa bahay ka na muna magpalipas ng gabi" sambit ko dito kaya  napayakap ito sa tuwa kaya napangiti din ako

"Salamat talaga baks, hulog ka talaga ng langit" tuwang saad nito sa akin 

"Ehem" napatingin kami sa gilid namin ng marinig namin ang bahagyang pag-ubo ng nasa tabi namin at nagulat ako ng makita si sir Mark na nakatingin sa harapan

"Baks tara na" mahinang bulong nito sa akin at agad akong hinila noong may tumigil na taxi sa harapan namin

"Goodbye po boss" nakangiting paalam ko dito at kinawayan pa ito bago pumasok sa loob ng taxi

Hindi ko na tiningnan muli si sir at agad na sinabi sa kay kuya ang address nang tinutuluyan ko. Nang makarating ay agad akong nagbayad ng pamsahe ko at agad na bumaba sa taxi at nagtungo sa apartment ko. Sobrang lakas pa din ng ulan at pinayungan na ako ni Alex para hindi ako mabasa ng ulan habang nagbubukas ako ng gate.

"Pasok ka na Alex" nakangiting pagpapatuloy ko dito sa bahay ko at agad naman itong pumasok sa loob

Agad akong nagtungo sa kwarto ko upang kumuha ng malinis na tuwalya sa aparador upang ibigay sa kaibigan ko. Naabutan ko ito na nakaupo sa si Alex sa sofa kaya agad kong iniabot dito ang tuwalya upang balutin ang kaniyang katawan. 

"Anong gusto mong ulam?" tanong ko dito kaya napatingin ito sa akin 

"Kahit ano na lang hindi naman ako pihikan sa mga pagkain" nakangiting tugon nito sa akin kaya napatango na lamang ako

Agad akong nagtungo sa kusina pagkatapos kong ituro rito ang banyo upang makapagligo ito at buti na lamang mayroon itong dalang extrang damit. Mabilis ang naging kilos ko sa pagluluto upang makakain na kami ni Laex sa paglabas nito. Kalahating oras ang itinagal nito sa banyo at saktong luto na ang niluto ko kaya inaya ko na itong kumain.

*tok* *tok* *tok*

Napatigil kami ni Alex sa pagkain dahil sa narinig naming katok mula sa labas ng bahay ko. Tatayo na sana si Alex upang pagbuksan ng pinto ang tao sa labas nang pigilan ko ito. Agad akong tumayo sa hapag at nagtungo sa front door upang pagbuksan ang kumakatok sa kalagitnaan ng masamang panahon. 

"Boss" gulat na sambit ko nang tumabad ito sa harap ko nang mabuksan ko ang pintuan 

"Can I get in?" nilalamig na tanong nito kaya napatango na lamang ako dala nang pagkagulat

"Tuloy din po kayo kuya" nakangiting pagpapatuloy ko sa taong tingin ko ay driver ng boss ko

Agad kong isinarado ang pintuan ng bahay ko at nagtungo muli sa kwarto ko upang kunin ang natitirang dalawang malinis na tuwalya. Nang makuha ay agad ko itong iniabot sa dalawang nasa sala na agad naman nilang kinuha at nakita ko si Alex na nakasilip dito sa sala.

"Maligo po muna kayo bago kayo sumabay sa amin sa hapunan upang hindi kayo magkasakit" magalang na sabi ko dito at agad na itinuro ang banyo na ginamit kanina ni Alex at si boss ay sa banyo ko na lamang paliliguin

Agad ko itong sinamahan sa loob ng silid ko dahil ito na lamang ang banyo sa bahay na tinutuluyan ko. Agad nitong tiningnan ang kabuuan ng kama ko bago nagtungo sa banyo na itinuro ko rito. Nang makapasok ito sa banyo ay agad akong nagtungo sa mga bakanteng silid dito sa bahay. Agad kong inayos iyon para sa mga bisita na makikitulog sa bahay ko ngayong gabi. Nang matapos sa ginagawa ay agad akong pumunta sa kusina upang ipagpatuloy ang pagkain.

"Good evening po" magalang na bati ni Alex kay boss at tinanguan lamang nito ang kaibigan ko

Agad na umupo sa tabi ko si sir at sa tabi naman ni Alex ang kasama ng katabi ko at nagsimula na din silang kumain. Tanging tunog lamang ng mga kubyertos ang maririnig sa buong paligid dahil sa sobrang tahimik at nagsimula na din akong makaramdam ng pagkailang. Nang matapos sila sa pagkain ay agad ko silang inihatid sa silid na kanilang tutulugan ngayong gabi.

Nang masigurong komportable ang mga bisita ko ay agad akong bumalik sa kusina upang magsimula nang magligpit nang pinagkainan namin. Balak pa sanang tumulong ni Alex ngunit pinigilan ko na lamang ito dahil bisita ito at hindi ko hahayaan na kumilos ito sa bahay ko gayung kaya ko naman ang kumilos. Nang matapos sa paglilinis ang mga pinggan at iba pang kagamitang pangkusina ay agad akong nagtungo sa sala upang magpahinga saglit.

"Anong ginagawa ng lalaking iyon sa bahay mo?" biglang tanong nang lalaki sa likod ko kaya nahulog ako sa sahig dala nang pagkagulat

"Wala itong matutuluyan dahil baha na sa daanan papuntang bahay nito kaya dito ko na lamang pinatuloy ngayong gabi saka wala namang masama na patuluyin ang kaibigan ko na nangangailangan ng tulong" paliwanag ko dito at agad na bumalik sa pagkakaupo

"Hindi magandang tingnan na magkasama kayo sa bahay o kahit saan lalo na kung kayo lamang dalawa ang magkasama" katwiran nito sa akin kaya napatingin ako dito

"Isipin na nila ang gusto nilang isipin wala na akong pakialam basta ang mahalaga alam ko sa sarili ko ang totoo at saka matagal ko nang kilala si Alex at hindi na iba ito sa akin kaya mahalaga ito sa buhay ko" inis na tugon ko dito at agad na tumayo na

"Okay" malamig na sabi nito sa akin at agad na tumungo sa silid na tutulugan nito

Napailing na lamang ako sa inasal nito at tiningnan ang pinto at bintana kung nakalock na itong mabuti bago pumasok sa silid ko. Agad akong nahiga sa kama ko at hinayaan ang sarili na makatulog dahil maaga pa akong gigising bukas upang magluto ng umagahan naming lahat bago pumasok sa trabaho.