Chapter 26

Binati siya ng ibang staff ng crew at pina-upo sa isang bakanteng upuan. May mga pagkain pa sa mesa ngunit 'yung iba ay nagsisimula nang mag-inuman. Kabilang na roon si Terrence at ibang cast ng pelikula. Nang lumapit si Janine sa direksyon nila ay narinig ni Madeleine ang katyawan ng mga kasamahan nila. Si Ysah naman ay tahimik rin na umiinom sa may gilid at paminsam-minsan ay nag-uusap sila ng katabi nitong isa rin sa mga cast.

Tahimik na kumakain si Madeleine at minsan ay nakikipag-usap sa mga lumalapit sa kan'ya. Mayamaya pa ay nilapitan siya ni Director Lao at inalok na uminom ng wine na agad din naman niyang tinaggihan.

Hindi rin naman siya pinilit ni Director Lao at bumaling sa katabi niya para alokan ng alak. Nagpa-alam si Madeleine na magbabanyo at umalis sa private room. Napahinga siya ng maluwag nang makalabas na siya at pumunta agad sa washroom.

"Madeleine." Napa-angat ang ulo ni Madeleine nang may humarang sa kan'ya papalabas ng washroom. Nagulat