Ano Ang Aking Gagawin?

Nalaman ko na isinama pala nila Loida si Christian at pumunta sila sa shopping mall. Siguro inisip niya na baka hanapin ako ng bata at mag tanong kung bakit wala pa ako. Minabuti na lang niyang libangin ito. Naisip ko rin na, sabagay, mabuti na rin kung ganoon dahil hindi ko alam kung ano ang isasagot ko.

Minabuti ko na lang na tawagan ang appointment ko at ipaalam na paparating na ako. Kailangang tapusin ko na ang pakay ko sa Pilipinas at ng maka uwi na kaming mag ina, bago pa makita ni Captain Lim ang anak namin. Mahirap na, baka malaman niya na anak niya ito at pag awayan pa namin sa korte. Dahil nunka na ibigay ko sa kanya ang aming anak.

Hindi ko namalayan na nakarating na pala ako sa lugar kung saan ang appointment ko.  Kung hindi ilang beses na sinabi ng taxi driver na nakarating na kami, nasa malayo pa rin ang aking pag iisip.

"Maraming salamat po!" Aniya ko sa driver habang inaabot ko ang bayad. Nang susuklian na sana ako ng driver, "keep the chang