Chapter Twenty-Four: The Eldest Luther

'Tiffany' it was curved in Italic gold.

“Iyan si Tifanny at ang batang lalaki ay si Johnny,” anang superyora na hindi niya namalayang nasa likuran na pala niya.

Tumingala siya at sinundan ito ng tingin hanggang sa makaupo ito sa tabi niya.

“Sila ang pinakabatang natagpuan namin sa labas nitong ampunan. Sa tingin ko ay magdadalawang taon si Tiffany ng mga panahong iyon at si Johnny ay tatlo. Nauna ng isang buwan si Tifanny nang dumating dito. Simula noon, hindi na namin mapaghiwalay ang dalawang iyan. Kung hindi si Tifanny ang nakabuntot kay Johnny, si Johnny naman ang nakasunod kay Tifanny.” Inilipat ng madre ang pahina at tila inaalala ang k'wento sa nakaraan ng mga nasa larawang iyon.

“Isang taon ang lumipas nang may umampon kay Johnny. Iyak nang iyak noon si Tifanny. Nahirapan kaming patulugin siya dahil hinahanap niya ang kaibigan niya. Tumatahan lang iyon kapag damit ni Johnny ang ipinapasuot namin sa kaniya,” nangiti ang superyora at maging siya ay bahagyang natawa.

Akala niya