SURPRISED

“Hmmm. . .” Nagising si Mhia nang makaramdam ng pangangalay sa leeg. Nakapikit niyang minasahe iyon nang mabilis ring napamulat.

Umaga na!

Mabilis niyang iginala ang mga mata sa kinaroroonan. Nakahiga pa rin siya sa driver seat ng sasakyan ni Skyler.

She looked at herself. Suot na niya ang polo ni Skyler at nakatakip na sa kaniyang may hita ang leather jacket niya.

Hinanap niya ang lalaki. Nang hindi ito matagpuan ay bumaba siya ng sasakyan. The morning breeze greeted her. Maganda ang sikat ng araw sa silangan. Para bang walang unos na dumating nang nagdaang gabi. Umapaw nga ang ilog at umabot iyon sa sementadong kalsada, pero hindi naman mataas.

Umikot siya sa passenger at kinuha ang gamit doon. Hindi rin niya kinalimutang kunin ang mga damit na hinubad kagabi. Kahit basa pa ay isinuot niya ang pantalon.

Bumalik siya sa kinaroroonan ng kaniyang sasakyan. Binuksan niya ang hood niyon at sinubukang muling paandarin. Marunong din naman siyang magbutingting kahit papaano ng makina ng kot