Chapter 30.4

Mabilis na bumaba si Luther mula sa kaniyang kotse. Mabuti na lamang at may malapit na bar mula sa kanila dahil kung wala ay kailangan pa niyang lumuwas sa kabilang bayan para makapag- inom. Kailangan niyang gawin iyon para kahit papano ay gumaan ang nararamdaman niya. Gusto niyang sa pamamagitan ng pag- inom ay mabawasan ang nararadaman niya.

Pagkapasok niya sa loob ng bar ay sumalubong kaagad sa kaniya ang usok na mula sa loob ng bar. Maging ang nakakabinging ingay. Inilibot niya ang kaniyang paningin sa loob ng bar kung saan ay maraming kabataan ang nagsasaya habang nagsasayawan.

Halos hindi niya maintindihan ang mga ito kung bakit nagsasaya ang mga ito gayung ang dapat ginagawa ng mga ito ay magsipag aral. Naipilig niya ang kaniyang ulo at binawi ang tingin sa mga nagkakasiyahang kabataan at dumiretso siya sa counter ng bar at umupo sa isang stool doon.

Kaagad siyang umorder ng kaniyang iinumin at whiskey ang napili niya. Sa totoo lang ay may alak naman sila sa bahay nila pero ma