03: Her Savior

KINAGABIHAN nga ay nagpaalam na sa 'kin si Tasha dahil magdu-duty na ito. At dahil mga 7:30 PM pa lang naman ng gabi ay pinatay ko ang desktop tsaka nagmadaling maligo. Nang matapos ako ay sinuot ko ang backless na dress na sobrang bumagay sa kurba ng katawan ko.

"Hindi ka p'wedeng magmukmok Dito Nessa, cheer up! Maybe kailangan ko naman na i-treat ang sarili ko kahit ngayong gabi lang," bulong ko sa aking sarili.

Aminado akong masakit pa rin ang loob ko sa hiwalayan namin ni Drew. Kahit ano'ng gawin ko ay hindi maalis sa isipan ko ang mga kaganapan kahapon. Habang nasa kalagitnaan ako ng biyahe ay natanawan ko ang isang bigatin na bar kung saan ilang kilometer lang ang layo sa tinitirahan namin.

I've never been here, pero parang may sariling isip ang mga paa ko at bakit dito ako dinala.

"One glass of margarita please," utos ko sa bartender at kaagad naman itong tumango.

Nakakaraming shots na ako at nakakaramdam na rin ako ng init sa katawan. Sinita na rin ako ng bartender pero humirit pa ako kahit isang bote lang. Tila sasabog ang ulo ko sa pagkahilo pero pinilit ko pa rin tumayo. At bago ako umalis ay hinablot ko pa ang ang iniinom ng lalakeng katabi ko.

"Hmm...akin na 'to ah?" sabi ko at hindi ko alam kung bakit ang lakas ng loob ko na gawin iyon.

Halos matumba ako habang naglalakad palabas ng bar na iyon. Wala na akong pakialam kung saan man ako dalhin ng mga paa ko. Naglakad lang ako nang naglakad hanggang sa marating ko ang isang tulay.

Hindi ko alam pero kahit lasing ako ay parang ayaw akong tantanan ng mga ala-ala namin ni Drew.

"Putanginaaaa! I...I gave you e-everything...p-plinano ko ang f-future natin! M-mas minahal pa kita kaysa sa sarili ko!" pagwawala ko at parang baliw na nagsisisigaw habang panay ang pag-iyak at paghikbi.

"Bakit...bakit ka pa nangako Drew!"

Kasabay no'n ay napasulyap ako sa engagement ring na binigay sa 'kin ni Drew last year nang mag-propose ito sa 'kin. Kaagad ko itong hinubad mula sa daliri ko at puwersahang ibinato ang singsing sa tulay. Wala na akong pakialam kahit pa lamunin na ito ng tubig.

Nang mga oras na 'yon ay tila hinihigop ako ng hangin upang mas lalo pa'ng lumapit sa tulay. Naglakad ako na tila nahipnotismo. Parang may parte ng isip ko na nagsasabing lumapit pa ako ng lumapit. At nang itataas ko na sana ang isang paa ko upang makaakyat ay labis ang aking pagkagulat nang hapitin ng hindi ko kilalang tao ang baywang ko dahilan upang bumagsak kaming pareho sa gilid ng kalsada.

Para akong nahimasmasan sa eksenang iyon.

"Hey are you insane?! Magpapakamatay ka ba?!" sigaw ng lalake at muli akong inalalayan sa pagtayo.

Inaninag ko ang mukha niya at kahit lasing ako ay sigurado akong nag-meet na kami ng lalakeng ito.

"B-bakit mo ako pinigilan!" sigaw ko ngunit ang mga tono ko ay may bahid ng pagkalasing.

"Miss, paanong hindi kita pipigilan eh tatalon ka na, at isa pa huwag na huwag mong kikitilin ang buhay mo ng dahil lang sa isang lalake!" sagot niya at tama nga ang hinala ko na siya ang lalakeng nakahalikan ko kahapon mismo sa parking area.

"Hmm...y-you look familiar? A-are you following me?" saad ko na halos 'di na makatayo dahil sa kalasingan.

"I'll explain to you kapag nahimasmasan ka na, for now, ituro mo sa 'kin kung saan ka nakatira at ihahatid na kita pauwi,"

"No. Nooo way! I can...I can ay!"

Sigaw ko nang kamuntikan na akong masagasaan ng isang truck na paparating. Halos masubsob ang mukha ko sa dibdib ng lalakeng ito nang muli niya akong hatakin pabalik sa gilid ng kalsada.

Nagtama ang aming mga mata ng mga sandaling iyon. Naglalakbay ang aking mga mata sa mga makakapal niyang kilay, mapupungay na mata, matangos na ilong at ang labi niya na parang...parang ang sarap halikan.

"Clumsy!"

Malaking boses ang pinakawalan niya upang magbalik ako sa ulirat at biglaan niya akong binuhat na parang isang sako lang ng bigas ang dating.

"H-hoy! s-saan mo 'ko dadalhin! B-bitawan mo ako!" pagpupumiglas ko ngunit tila matigas pa rin ang ulo ng lalakeng ito. Malakas ang pagbasak ko sa backseat ng kotse na halos mamura ko pa siya.

"Tsss! Kababaeng tao, pakalat kalat sa daan tapos ganiyan pa ang suot," sabi nito.

Nang maramdaman ko na tila umaandar na ang kotse ay kaagad akong bumangon.

"S-saan mo ako dadalhin! Kayo talagang mga lalake mga mapanlinlang! Ibaba mo ako."

"Huwag mong lahatin, hindi ako katulad ng ex mo," kalmado niyang sabi. Maya-maya pa ay nagulat siya nang ipilit ko na laktawin ang makipot na space papunta sa driver's seat.

"Hey! What are you doing mababangga tayo!" he yelled.

Dahil sa kalakihan ng puwet ko ay na-stucked ito at sumakto pa malapit sa mukha ng lalakeng ito. At ilang sandali pa lamang ay huminto ang kotse at itinabi niya ito sa madilim na bahagi ng daan.

"Na-na-stuck, naipit! Aray, hoy, itulak mo!" sigaw ko at nangangalay na ako sa itsura kong 'yon.

"What?! Eh bakit mo kasi ipinilit ang katawan mo diyan?"

"Ano ba! 'Wag mo na akong talakan, itulak mo! daliiii!"

Maya-maya lamang ay bumaba ang lalakeng ito at pumunta sa backseat. Labis akong nagulat nang maramdaman ko ang dalawang palad niya na nakahawak na sa aking puwet.

"H-hoy! H-huwag mong himasin! Itulak mo!"

"I'm doing it! Ano ba 'to? Totoo ba 'to?" saad niya at tila pinagdudahan pa ng mokong na 'to ang puwet ko.

At nang ipilit niyang itulak ay halos masubsob ang mukha ko sa kabyo ng kotse niya. Lalo akong nawindang nang maramdaman ko na nakapatong na din pala siya sa 'kin dala ng malakas na puwersa sa pagkakatulak nito sa akin.

"Hoy! Umalis ka diyan ang bigat mo!"

"Ah-amh... s-sorry!"

Nang makabalik kami sa kanya-kanyang namin na puwesto ay tila nahiya ako dahil nang pumatong siya sa 'kin ay naramdaman ko ang matigas na bagay na 'yon. Marahil ay epekto na 'to ng alak na nainom ko.

"Bakit ka pinagpapawisan?" diretsong tanong ko sa kanya.

"Mainit. I can't take the heat,"

"Nakasagad naman ang air-conditioning ah?" makulit kong sabi.

"Yeah, sagad na sagad,"

Napalunok ako sa huling sinabi niya. I don't know pero parang iba talaga ang tama ng alak sa 'kin ngayon. At habang hinububad niya ang suit niya ay di 'ko maiwasan na mapatitig sa mga naglalakihang dibdib at braso niya habang pinagpapawisan siya...

...