The Guardian 2

Ginawa namin ang trabaho namin hanggang mag-gabi. Mabuti na lang at walang masyadong aksidente at disgrasyang nangyari ngayon. May ilang customer lang na magrereklamo pero propesyunal namin itong nireresolba.

"Time check, alas otso na," sabi ni Geoffrey mula sa counter kaya napatingin naman ako sa orasan ng café habang nilalagay ko ang ilang baso at plato sa isang palanggana para dalhin kay Ate Willow. Iilan na lang ang customer sa ganitong oras pero halos lahat sila ay estudyante na parang gustong magpuyat.

Mayamaya,

"8:30," sabi bigla ni Geoffrey kaya nagkatinginan kaming tatlo nila Iris at Lizar at ginawa ang dapat gagawin. Sa ganung oras, bawat customer na nandito pa rin sa shop ay pinakiusapan namin na hanggang alas nuebe (9) lang ang café para tapusin nila ang kailangan nilang tapusin. Matitigas ang ulo ng iba at mabuti na lang at tinuruan kami ni Ma’am na huwag patulan ang mga ito pero pag sobrang tigas talaga ng ulo, si Ma'am Safira talaga ang bumabahala.

8:50 pa lang ng gabi at mabuti na lang wala nang customer kaya nagsara na kami ng pinto. Inayos namin ang mga upuan at lamesa habang si Geoffrey naman ay busy sa counter na nagbibilang ng pera.

"Hay tapos na rin," hinga ng maluwang ni Iris habang sumandal malapit sa counter.

"Hay..." buntong hininga naman ni Lizar sabay sumalampak sa isa sa mga upuan. "Kapagod."

"Marami pang kailangang tapusin para matapos tayo bago mag alas dyes (10)," sabi ko naman.

"Teka. 5 minutes," sabi ni Lizar.

"Sandali lang talaga Xania," sabi naman ni Iris. "Kahit ako na magdala ng mga hugasan kay Ate Willow."

"Sige, sige. Ako nang tatapos nitong mop," sabi ko naman. "Pwede na kayong pumunta sa likod para magpalit."

"Thank you Xania," ngiti ni Iris sabay tumayo siya at dinala nga ang palanggana ng hugasan.

"Punta rin ako sa likod sakaling kailangan ng tulong ni Kuya Axton," sabi naman ni Lizar sabay tumayo siya sa upuan niya. "Kaya mo naman na di ba?"

"Oo sige," sagot ko kay Lizar.

"Salamats," sabay naglakad siya paalis.

Habang nagmo-mop ako, kita ko ang paglutang ng upuan kung saan umupo si Lizar at maayos itong pumatong sa lamesa. Napangiti na lang ako dahil doon at tinignan si Geoffrey sa counter.

"Thanks Geof," ngiti ko sa kanya. Sinagot niya ako ng tango.

Pagkatapos ko ng mop, binalik ko ang lahat ng kagamitan sa cleaning room. Pagkabalik ko sa dining area,

"May nakalimutan pa ba ako Geof?" tanong ko sa kanya.

"Wala naman na Ate Xania," sagot niya.

"Ah good. Tara na sa likod," alok ko sa kanya.

Pumunta kami sa locker room para magpalit at pagkatapos, pumunta kami sa kwarto kung saan ang pinto papunta sa likod. Halos silang anim ay nandito na at nakapalit na ng kanilang mga kaswal na damit at halatang nagkwekwentuhan sila sa saya. Kami na lang ni Geoffrey ang parang hinihintay.

"Andito na ba lahat?" tanong bigla ni Ma'am kaya kami napatingin sa kanya.

Kanya-kanya kaming sumagot sa kanya na kompleto na kami.

"Good. Gusto ko lang sabihin na good job everyone for a job well done today," sabi ni Ma'am sa amin.

Kami naman ay pumalakpak sa saya.

"Dahil diyan, karapat-dapat lang talaga na ibigay ko sa inyo ang inyong mga sweldo para sa buwang ito."

Pagkasabi yun ni Ma'am, lahat naman kami ay nagsaya at isa-isang binigyan ng envelope.

"Spend it wisely," sabi ni Ma'am sa amin.

Ang iba ay binuksan pa para manigurado na sakto ang pera habang ako ay binulsa ko na lang ang envelope.

"O mamaya niyo na atupagin yan," sabi ni Ma'am sabay tumingin siya sa kanyang relo. "Malapit na mag alas dyes."

Tumahimik naman ang bawat isa sa amin.

Nung 9:50 na ng gabi, pinatay ang lahat ng ilaw sa loob ng shop kahit nandito pa kaming siyam sa loob ng kwarto.

Pagkarating ng 10... unti-unting bumukas ang pinto sa likod ng café at isa-isa kaming lumabas mula sa likod. Ang tawag sa amin ay mga tailed beast at iba-iba ang itsura namin ngayon dahil sa oras na ito nag-tri-trigger ang totoo naming mga anyo. Bawat isa sa amin ay may iba't iba ring bilang ng mga tails na nakadepende sa kung anong barangay ang pinupunta namin.

Pagkalabas namin, si Yune ay pumunta sa Barangay Uno, si Geoffrey sa Barangay Dos, ako sa Barangay Tres, si Iris sa Barangay Kwatro, si Lizar sa Barangay Singko, si Ate Willow sa Barangay Sais, si Ate Oriana sa Barangay Syete, si Axton sa Barangay Otso at si Ma'am Safira sa Barangay Nuebe.

Ako ang 3 tailed beast dahil sa tatlo kong tails; ang buhok ko na kulay kapeng itim na parang sa isang porcupine na hayop, ang pangalawa ay ang itim na asul na peacock feathers sa aking likod at ang isang matalim at spiky fish tail.

Sa ngayon, hiwa-hiwalay kami at patagong pupunta sa mga kakahuyan o di kaya sa dagat hindi lang para maghanap ng pagkain, kundi magtago na rin. May kanya-kanya kaming personal na bagay na ginagawa sa mga oras na ito tulad ko na minsan dumadaan ako sa bahay ko para mag-iwan ng ilang gamit at babalik sa gubat para hindi ako mahuli sa bahay ko. Ang importante sa gabing ito ay wala ni isang tao ang makakakita ni isa sa aming mga beast hanggang alas dose (12) ng gabi.

12 na ng gabi at sakto katabi ko na ang bahay ko kaya bumalik ako sa pagiging tao at pumasok sa bahay ko. May ilan akong napitas na mga prutas sa kakahuyan na masarap kainin bilang almusal. Nang makapalit na ako ng pantulog ko, agad akong humiga sa kama ko para makatulog.

Ang kanyang mukha ay nagmamakaawa sa akin habang may dugong dumadaloy mula sa kanyang bibig.

"Please protect him. His name is..."

Nagising na naman ako ng di oras dahil doon.

Kriiing! tunog na naman ng alarm clock ko. At naunahan ko rin ito muli. Unti-unti akong bumangon at pagkaupo, kahit tuloy pa rin ang tunog ng alarm clock, puno ng alala ang mukha ko habang tulala na naman ako sa kaharap kong manipis na kumot.

Hindi pa rin ako nilulubayan ng konsensya ko dahil diyan. Napatingin ako sa alarm clock ko muli at pinatay muna ito bago ako napatingin muli sa katabi nitong bagay.

Gagawin ko naman eh. Nangako ako sa kanya at hindi ko siya bibiguin. Ang problema lang talaga...

...hindi ko alam kung saan ako magsisimula.

Naglalakad ako muli papunta sa Barangay Dyes at habang naglalakad, inaalala ko iyon. Anong dapat kong gawin?

Dahil doon, pagkarating sa cafe, bumabagabag ito sa akin habang nag-aayos pa lang kami.

"Huy Xania," kalabit ni Iris sa akin kaya nagulat ako at napatingin sa kanya. "Kanina ka pa tulala diyan ah. May problema ba?" tanong niya sa akin.

Pilit akong ngumiti sa kanya para itago lang ang alalang iyon. "Okay lang ako—"

"Xania!" tawag sa akin bigla kaya napalingon kaming dalawa ni Iris kay Lizar.

"Tawag ka raw ni Ma'am sa opisina niya," sabi niya.

"Oh my gash. Baka bibigyan ka ni Ma'am ng raise Xania," sayang sabi bigla ni Iris. "Buti ka pa."

"Oo nga. Buti ka pa," mapaklang sabi ni Lizar.

"Inggit ka lang eh," sabi naman ni Iris.

"Pssh," umiwas ng tingin si Lizar.

Agad naman akong pumunta sa opisina ni Ma'am at kumatok.

"Pasok."

Pagkabukas ko ng pinto,

"Ma'am pinapatawag niyo raw po ako," sabi ko.

"Oo. Halika at maupo," sabi niya naman kaya ginawa ko ang sinabi niya.

Pagkaupo ko,

"Sana hindi kita naistorbo sa mga gawain mo," simula ni Ma'am.

"Ah hindi naman po. Kaya naman po siguro nila Iris at Lizar iyon," nahihiya ko na lang sabi.

"Sana lang," sabi naman ni Ma'am. "But anyways, andito ako para pag-usapan tungkol sa concern mo..."

Bahagya akong nagulat.

"...tungkol sa hinahanap mong tao."