Selene is in danger

“Ah, gano’n oh edi ayan para sa ‘yo at ng mabusog ka sa sobrang kasayahang makitang tumataba nga ako!”

Hindi nagpapatinag si Liset sa pakikipagrambulan sa akin. Sorry siya dahil hindi rin ako titigil na atakihin siya.

“Hmmp. Talaga lang ha. Aray! Oh sige kakalbuhin na rin kita para maganda ka sa kasal mo,” sagot ko pa sa kaniya. Ngayon ay naitulak ko siya papalayo sa akin, dahilan upang matumba ang ilang manequin doon sa puwersa na rin niya.

“Ayos lang, basta may nagmamahal sa akin, kaysa naman sa ‘yo!”

Inayos ko ang aking buhok at dinuro si Liset na inaalalayan ni Patrick mula sa pagkakasalampak sa sahig. Pabalang kong initsa ang aking bag at muling naghanda na salubungin ang ano mang magiging ganti niya.

“Napaka ambisyosa mo naman, kung hindi naman kami nagahiwalay niyang mapapangasawa mo’y wala naman sigurong papatol sa pangit mong ugali. Aminin mo, mas lamang ako sa pagiging maganda lalo na sa talino. Anino lang, noon pa!” Realtalk na kung realtalk. Ayaw ko naman sanang ipaa