Returning Home

“Sir Dreyk, nandito na po si Ma’am Selene.”

Nagmamadali ako sa pagbaba mula sa kuwarto ng malaman na nakauwi na siya. Alas onse na nang tanghali at halos apat na oras na akong naghihintay sa kaniya. Sinubukan ko nang ireport ang pagkawala niya pero sinabihan lang ako na hindi pa raw 24 hours kaya hindi ko pa siya maide-declare na missing.

“Selene? Where have you been?” Kamuntik na nga akong madapa pa sa pagdudumali na makalapit sa kaniya. Mabilis ko siyang sinapo sa magkabilang pisngi niya’t tinanong kung saan ba siya nagpunta. Ngunit hindi pa man nagtatagal ang kamay ko sa kaniyang mukha ay agad na siyang umiwas sa akin.

Hindi ko alam kung nagkamali lang ba ako sa nakita ko, pero nangatal ang kaniyang labi at kamay na animo’y natatakot siya sa ginawa ko.

“Wife, is there any problem? You are not answering any of my calls,” sabi ko. Sa totoo lang ay kinakabahan ako ngayon. Alam ko kasi na may mali akong ginawa kaya naman hindi kong magawang magtaas ng boses o di kaya’y magalit sa