Liset and Selene one on one talk

Tinanggap ko na ang alok sa akin ni Liset na sa bahay niya tumuloy, I mean, bahay ng family niya. Aniya’y hindi na siya pinayagan ng ama na lumipat pa dahil wala naman daw itong ibang pagpapasahan ng kanilang mansiyon kundi siya lang.

Well, malaki ang bahay nila, pero mas malaki pa rin iyong kila Dreyk.

Wala akong ibang mas maayos na choice kundi tanggapin ang offer niya, ayaw ko naman na sa susunod makalawa ay sa kalsada na ako tumira.

Natapos na kami mag-dinner, nagpunta ako sa labas sa may pool side para magpababa ng aking kinain. Malamig ang simoy ng hangin, kaya naman niyakap ko ang aking sarili. Naupo ako sa may mismong pool habang ikinukuyakoy ang paa na nasa tubig.

Walang malaking buwan na maaari kong matanaw, ngunit naroon naman ang mga bituin para sumilip sa akin. Tumingala ako’t pinagmasdan sila, panay ang pagkindat nila na para bang nagpapapansin sa kalupaan.

“Malamig dito ha.”

Napatingala ako sa pagdating ni Liset, may dalawa siyang sobrang lamig din na beer in ca