Forgive me.

Basang-basa ko sa mukha ni Selene kung gaano siya kadismayado sa mga kinuwento ko sa kaniya. Naiyak pa siya dahil doon, hindi lang basta iyak dahil humagulgol siya ng sobra-sobra. Nagalit pa siya at kinuwestiyon kung bakit ko nagawa na ibigay ang buhay niya para sa pansarili kong interes.

Hindi ko pa alam kung ano ang susunod niyang gagawin, kung balakin niyang umalis sa bahay ko dahi sa nalaman niya mula sa akin. O baka itulak niya na lang ako bigla sa pool para makaganti.

Hindi ko naman siya masisisi, tama naman siya na buhay at mga pangarap niya ang naglaho dahil sa scandal na ‘yon.

“Wala akong karapatan na aluhin ka dahil kasalanan ko rin naman, do whatever you want to me Selene para lang makaganti ka sa mga kawalang-hiyaan ko sa ‘yo. Handa akong tanggapin lahat ng iyon.” Nasa tabi niya lang ako, nakabantay sa susunod na mangyayari.

Hindi pa rin maampat ang pag-iyak ni Selene, binabanggit niya ang pangalan ng kaniyang ina at kapatid na naiwan sa probinsiya namin noon. SIguro