Chapter 87: Revelation

"Oh Hilary, isang Linggo lang kaming mawawala. Baka naman magpasaway ka pa sa Kuya Chaeus mo dito at bigyan mo pa rin siya ng sakit ng ulo?" paalala ni Daddy habang matamang nakatingin.

Tapos na ang Pasko at napagpasyahan nila ni Azalea na ngayon gawin ang yearly vacation nila. Taon-taon nilang ginagawa iyon. Kasama nga nila sana ako pero mas pinili kong huwag na lang. Gusto ko ang manatili sa bansa at makasama si Chaeus. Syempre ay wala naman silang alam.

"Hindi, Daddy."

"Siguraduhin mo lang, Hilary. Malalagot ka sa akin pagbalik namin at maraming reklamo si Chaeus."

Makahulugan ko ng sinulyapan si Chaeus na kung umasta ngayon ay para talaga siyang kapatid ko.

"Chaeus, ikaw na ang bahala diyan sa kay Hilary. Huwag mong hayaang gumala kung saan-saan." sabat naman ni Azalea n asa postura ay ready na.

May pa balabal pa siyang nakapulupot sa leeg.

"Oo nga Chaeus, hangga't maaari ay huwag mo siyang payagang pumunta ng club." dagdag pa ni Daddy na buong-buo na ang tiwala sa Tukmol.

"