Chapter 102: Ako pa rin kaya?

"Congratulation's, Girl!" malakas na bulalas ng mga kaibigan matapos kong bumaba ng stage.

"Thank you!" mahigpit na yakap ko sa kanila bilang ganti sa pagdalo nila, "Buti at pumunta kayo?"

Tinanggap ko ang regalo at bulaklak na ibinigay nila. Sinuklian nila ako ng mas mahigpit na yakap.

"Matitiis ka ba naming hindi puntahan?" nguso ni Shanael, bahagyang kinurot ako sa tagiliran.

Pinatulis ko ang nguso ko sa kanilang dalawa.

"Oo nga, tayo-tayo na nga lang tapos bibiguin ka pa ba namin?" natatawa ng tanong ni Josefa.

"Oh walang iiyak. Sayang ang inyong make up!" singit ni Azalea na nagawa na sa aming lumapit. "Mag-pose kayo at kukunan ko kayo ng picture."

Malakas na kaming nagkatawanan ng dahil doon. Sinunod namin gusto ni Azalea habang si Daddy ay panaka-naka ang sulyap sa aming ginagawa.

"Tita Azalea, isa pa po!" wala ng hiya-hiyang hirit ni Josefa, nagpalit lang naman sila ng pwesto ni Shanael bukod doon ay wala namang nagbago.

"O sige, 1, 2, 3!"

"Thank you po, Tita Azalea..."