Chapter 29

Chapter 28

Siting’s POV

Nanlaki ang mga mata ko ng marinig ko ang tugon niya. Yawa na Doctor ‘to! Ang harot!

“Ganun ba, Doc? Mabuti naman kung sa ganun, Doc. Sinusunod rin ba niya lahat ng utos mo?” Sus! Kung alam lang ni Nanay ang ibig sabihin nito.

“Napakamasunurin po, Nanay!”

Nasa gilid ko siya nakatayo habang nanatili akong nakaupo sa sofa. Bahagya ko siyang tiningala. Agad nagtagpo ang mga mata naming dalawa ng palihim niya rin akong sinulyapan. Nang makita ko ang pagsilay ng pilyong ngiti sa mga labi niya ay masamang tingin ang pinukol ko sa kanya na lalong ikinangiti niya. Mabilis lamang ang ginawa ko at muling ibinalik ang tingin kay Nanay.

“Ay napakamasunurin talaga ng anak ko na ito at napakabait rin po,” dagdag pa ni Nanay.

“Masarap rin, po,” muli ay nanlaki ang mga mata ko sa pilyong tugon nito. “Masarap pong magluto, Nanay,” dugtong niya na ikipikit ng mga mata ko upang ikalma ang puso ko. Tumaas yata bigla yung dugo at nagpapalpitate ang puso ko.

“Ay naku, po! Sinabi