Kabanata 1 : Part 2

PAGKATAPOS ng walang-katapusang iyakan sa restaurant ay hinatid na siya ng kambal sa kanyang apartment kahit pa gusto niya munang magpakalasing sa House Manila, ang pinakamalapit na bar house sa pinagtratrabahuan. Pagkadating naman sa apartment ay doon na niya ibinuhos ang sakit na nararamdaman.

Humihikbi siya na marahas na pinupunasan ang mga luha. Napabuga siya ng hangin. "Sex... that damn, delicious, as per everyone always say, sex. Fuck it!"

Iyon na nga lang siguro ang habol kadalasang ng mga kalalakihan sa mundong kinalalakaran ngayon. At isa na doon si Hansel—ang pinakamamahal niya, ang taong hindi niya inakalang magagawa iyon kailanman sa kanya—ang nagpatunay sa bagay na iyon.

Apat na taon. Apat na taong binago niya ang sarili para kay Hansel. Dahil iyon ang gusto nito sa isang babae. Dahil gusto niyang magustuhan siya nito kahit na imposible iyong mangyari. Ginawa niya iyon kahit tipo nito ang mga babaeng kabaliktaran ng kanyang pagkatao. Ni hindi niya na nga maalala kung saan