Every Heartbeat Counts

Chapter 1

Family. Profession. Love. PAMILYA ang dahilan kung bakit mas pinili ni Jennica ang unahin ang trabaho kaysa buhay pag-ibig. Wala siyang ibang hinangad kundi mabigyan ng magandang buhay ang kaniyang ina at mga kapatid kung kaya sinikap niyang makapagtapos ng pag-aaral sa kursong Nursing at makapasa sa board exam para makapasok sa prestihiyosong ospital sa kanilang bayan. Mahirap ang kinagisnan niyang pamilya. Pero kahit gano’n pa man ay sinikap ng kaniyang ina na maitaguyod siya sa kaniyang pag-aaral. Ang ina niya ay isa lamang tindera ng Sari-sari store na nakatayo lamang sa harap ng kanilang maliit ding bahay. Maaga kasi silang naulila sa ama dahil namatay ito nang maaksidenteng mahulog sa building na pinapasukan nito. Isang construction worker naman noon ang kanilang ama. Pangalawa siya sa apat na magkakapatid. Ang panganay nila ay maagang nabuntis at nakapag-asawa. Ang sumunod sa kaniya ay nasa high school pa lamang at sa batang edad ay natuto na r