9 - Kiss

Nang matapos akong maligo ay lumabas ako muli, nakasuot ng tank top at dolphin shorts. Nakalimutan ko kasing magdala ng pajama nakakainis. Sa sobrang excited ang dami kong naiwan sa bahay.

Pagkalabas ko ay kaming dalawa palang ni Isla ang nasa sala. Naghahanap siya ng pwedeng panoorin sa tv habang balot na balot sa kumot at may hot citrus tea na hawak.

“Nilalamig 'yan?” Natatawang sabi ko sa kanya.

“Bwiset kasi, ang tagal namin nagbabad doon. Kaya binilisan ko na ang pagligo at feel ko lalagnatin ako.” Iritadong sabi ni Isla, tsaka bumahing pa.

“Uminom ka na ba ng gamot? Tignan ko kung may dala ako.” Aalis na sana ako nang tumango si Isla.

“Girl's scout a. Binigyan na ako ni Hari.”

Napaupo naman ako sa tapat niya. “Anong girl’s scout. Future nurse ‘to.” Pagmamayabang ko.

“Then, I'll be in your care, Nurse Haven.” Yumuko pa ito para magbigay ng pugay kaya binato ko ang unan sa kanya tsaka natawa.

“Gaga, nasa pangangalaga ka na ni Doc Hari.” Natatawang sabi ko.

Naningkit naman ang mga ma