35 - Surprise

Napaungol nalang ako sa inis. Dahil nasayang ang ilang minuto ko para makapag-aral. At ngayon malapit na mag-alas tres ng hapon. Bahala na nga si batman! Prelims pa lang naman. Makakabawi ako.

Tulad ng inaasahan ko. Maliit lang ang score na nakuha ko sa biochemistry. Major pa naman! Nakakainis! Tapos bukas may quiz pa sa Life of Rizal. Aanhin namin ang buhay ni Rizal?! May maiiambag ba iyon sa pag nu-nursing namin?

Walang kagana-gana akong lumabas ng classroom, pero nagulat ako nang may bulaklak na tumapat sa mukha ko.

Pag-angat ko ng tingin ay nakita ko si Daniel na may malawak na ngiti. Napasimangot ako sa kanya tsaka ko siya niyakap.

“Oh? Bakit malungkot ang birthday girl?” Natatawang saad niya. Pero niyakap niya rin ako ng mahigpit, kaya kahit paano e nawala ang lungkot ko.

“Drive-thru tayo,” aya ko sa kanya nang tignan ko siya sa mga mata. Nakapatong ang baba ko sa dibdib niya, kaya inilapit ni Daniel ang mukha niya sa akin tsaka ako hinalikan sa noo.

“Wala ka nang pasok?” Tanong